கோகுல் மனதில்

Tuesday, February 14, 2012

எல்லாம் செய்யும் இந்த ________காதல்!!!

ஊனை உருக்கும்

உயிரைக் கரைக்கும்

காலம் மறக்கும்

காத்திருக்கச் சொல்லும்

உறக்கம் அகலும்

உணவு கசக்கும்

கவிதை எழுதச் சொல்லும்

கனவு காணச் சொல்லும்

ஹார்மோன்களைத்

தூண்டிவிட்டு

ஹார்மோனியம் வாசிக்க விட்டு

வேடிக்கை பார்க்கும்

தனிமை பிடிக்கும்

தானாய்ப் பேச வைக்கும்

சிந்திக்க வைக்கும்

சிறகு முளைக்கும்

எதுவுமே இல்லாமல்

ஏதேதோ எண்ணச்சொல்லும்

ஒன்றுமே இல்லாமல்

ஒரு மணிநேரம் கூட பேசச் சொல்லும்

இவை எல்லாம் செய்யும் இந்த_______________ காதல்

டிஸ்கி-எனக்கு போதிய அனுபவம் இல்லாததால் கோடிட்ட இடத்தை தாங்களே நிரப்பிக்கொள்ளுமாறு கேட்டுக்கொள்கிறேன்.(அப்பா தப்பிச்சுட்டேன்)

(சில நண்பர்கள் இத எங்கயோ பாத்தமாதிரி இருக்குன்னு சொல்லுறது கேக்குது,ஆமாங்க மீள்பதிவு.வந்த புதுசுல போட்டது காதலர்தினதுக்காக திரும்பவும்........)

மேலும் வாசிக்க "எல்லாம் செய்யும் இந்த ________காதல்!!!"

Monday, February 13, 2012

கூகுள்லயே இல்லையாம்.......

உங்களுக்கெல்லாம் ஒரு விசயத்த பத்தி தெரியலன்னா என்ன பண்ணுவிங்க கோகுல்கிட்ட கேப்பீங்க.அய்யய்யோ அடிக்க வராதீங்க டங்கு ஸ்லிப்பு ஆகிடுச்சு.கூகுள்கிட்ட கேப்பீங்க.இதுல நாம தேடுற எல்லா விஷயங்கள் பத்தியும் விபரம் கிடைச்சுடும்.ஆனா அதுலயும் கிடைக்காத விஷயங்கள் இருக்கத்தான் செய்யுதுன்னு தெரிஞ்சுக்கிட்டேன் எப்படி தெரிஞ்சுககிட்டேன்னா ஜாக்கி எழுதுற கால ஓட்டத்திலகாணாமல் போனவைகள் அப்படிங்கற பதிவில மரத்தூள் அடுப்பு பத்தி எழுத்திட்டு இதோட போட்டோ கூகுள்ல தேடியும் கிடைக்கல அப்படின்னு எழுதியிருந்தார்.

அதைப்பார்த்ததும் எங்க வீட்லையும் அந்த அடுப்பு இருந்தது ஞாபகம் வந்துச்சு.அம்மாக்கிட்ட இது பத்தி கேட்டேன்.ஊர்ல இருந்து வீடு காலி பண்ணிட்டு வரும் போது தாத்தா வீட்டு பரண்ல போட்டுட்டு வந்ததா சொன்னாங்க.பொங்கலுக்கு ஊருக்கு போய் தேடினேன்.கூகுள்ல தேடியும் கிடைக்காத ஒன்று அங்கே பரணில் தூசி படிந்து பதுங்கிக்கிடந்தது.அது என்னை ஏளனமாக பார்ப்பது போல தெரிந்தது.தேவையில்லைன்னு தூக்கிப்போட்டு இப்ப எந்த மூஞ்ச வைச்சுக்கிட்டு பாக்க வந்த?ஓ!உனக்கு ஒரு பதிவு போட நான் தான் ஊறுகாயா அப்படின்னு எல்லாம் கேட்பது போல என் மனசுக்குள்ள ஓடுச்சு.அப்படியெல்லாம் இல்ல,உன்னை உலகத்துக்கு அறிமுகப்படுத்ததான் அப்படி இப்படின்னு சமாதானப்படுத்தி ரெண்டு போட்டோ எடுத்துக்கிட்டேன்.

அப்பறமா யோசிச்சு பாத்தேன்,இன்னும் என்னென்ன இப்படி தேடியும் கிடைக்காத பொருட்கள் இருக்கிறதா என தேட ஆரம்பித்தேன்.கூகுள்ல இல்லைங்க எங்க கிராமத்தை சுத்தி,அந்த தேடலில் கிடைத்த சில உங்கள் பார்வைக்கு...............

இதுதாங்க தண்டவாளப்பெட்டி.எண்பதுகளில் வந்த படங்களில் வில்லன் பணம் நகைகளை வைத்திருப்பார் அதை வில்லன் இல்லாத நேரத்தில் ஹீரோ லாவகமாக திறந்து பார்ப்பாரே,அதைப்போன்றதுதான் இது.இது எப்பத்துல இருந்து வீட்டுல இருக்குன்னு தாத்தாகிட்ட கேட்டேன் எனக்கு ஞாபகம் தெரிஞ்ச நாள்ல இருந்து இருக்குன்னார்.ஏன் இந்த பேர்னு கேட்டதுக்கு தண்டவாளம் மாதிரி உறுதியா இருக்கறதால அப்படின்னார்(நெம்பியெல்லாம் திறக்க முடியாது).தண்டவாளப்பெட்டியை இத்தனை நாளாக வைத்திருந்தது ஆச்சர்யமில்லை சாவியை இத்தனை நாளாக தொலைக்காமல் வைத்திருந்தது வியப்பை தந்தது.சாவி தொலைஞ்சா வெல்டிங் பண்ணிதான் திறக்கனும்.

பெருசா இருக்கறது உரல்னு தெரியும்.அதென்ன பக்கத்துல சின்னதா உரல் மாதிரியே,சின்ன உரலா?இல்ல உக்காந்து உரல்ல ஆட்டுறத்துக்கு ஸ்பெசல் ஸ்டூலா?இதோட பேரு அதெல்லாம் இல்லைங்க இதோட பேரு குந்தாணி.உரல்ல கம்பு,அரிசி இப்படிஎதாவது போட்டு உலக்கையால் இடிக்கும் போது வெளிய தெறிக்காம இருக்க பயன்படுத்து(ன)றது.இதுக்கு இன்னும் ரெண்டு பயன்பாடு இருக்கு.இப்ப சொன்ன மாதிரி சட்னியோ,இட்லிக்கோ அரைக்கும் போது ஸ்டூல் மாதிரி பயன்படுத்தலாம்.இன்னொன்னு எங்க ஊர்ப்பக்கம் திட்டுறத்துக்கும் குந்தாணி ங்கற வார்த்தையை பயன்படுத்துவாங்க பன்னாடை மாதிரி.

இன்னும் நமது இணையத்தேடலில் தேடி கிடைக்காத இது போன்ற எத்தனையோ விஷயங்கள் அவரவரது கிராமங்களில் இன்றைக்கும் பயன்படுத்தப்பட்டும்,சில பயன்படுத்தப்படாமல் பாதுகாக்கப்பட்டும்,சில நினைவுகளில் மட்டும் வாழ்ந்து வருகின்றன.அவற்றில் சிலவற்றை அறிமுகப்படுத்தியதில் மகிழ்வடைகிறேன்.

மேலும் வாசிக்க "கூகுள்லயே இல்லையாம்......."

Saturday, February 11, 2012

கொரங்கு பெடல்

கார்த்தி அஞ்சாவது வரைக்கும் படிச்சது அவங்க ஊரான மங்களபுரத்திலிருந்து இருந்து ஒரு அஞ்சு கிலோமீட்டர் தூரத்திலிருக்குற ஆயில்பட்டிங்கற ஊர்ல.ஸ்கூலுக்கு போய் வர்றது எல்லாம் ஸ்கூல் வேன்ல தான்.அதுக்கப்பறம் ஆறாவது போகும் போது இந்த ஊரிலே இருக்குற கவர்மெண்ட் ஸ்கூல்ல சேத்து விட்டுட்டாங்க.இந்த ஸ்கூல் அவனோட வீட்டிலிருந்து ஒரு ஒன்னரை கிலோமீட்டர் தான் இருக்கும்.அக்கம் பக்கதிலிருக்குற பசங்க பொண்ணுங்க கூட சேர்ந்து நடந்தே போயிட்டு வந்துடுவான் வீட்டுக்கு.வழியில் அவரவர் எடுத்து வரும் நொறுக்கு தீனிகளின் பரிமாற்றத்துடன் குதூகலப்பேச்சும்,கேலி,கிண்டலுடன் நடை களைப்பு கரைந்திருக்கும்.

ஏழாவது போகும் போது பக்கத்து வீட்டு பொண்ணு பானு சைக்கிள் வாங்கி ஸ்கூலுக்கு போவதைப்பார்த்து நாமளும் சைக்கிள் ஓட்ட கத்துக்கணும்னு நினைச்சுக்கிட்டான்.அப்ப அவங்க வீட்டில இருந்தது ஒரு பெரிய சைக்கிள்.கால் எட்டாது.பானு கார்த்திக்கை விட கொஞ்சம் உயரமானவ.அதனால அவ ஈஸியா சைக்கிள் கத்துக்கிட்டா. நம்மாளு கொஞ்சம் கூலையா(குள்ளமா) இருப்பான் பெரிய சைக்கிள்ள கொரங்கு பெடல் போட்டு ஒட்டி கத்துக்கிட்டாத்தான் அப்புறம் கம்பி மேல ஒக்காந்து ஓட்ட முடியும்.இதுக்கு நடுவில கீழ விழுந்து முட்டி பேந்து,இன்னும் சைக்கிளுக்கு ஏதாவது ஆகிட்டா அப்பா வேற அடி பின்னிடுவாரே!அதுவுமில்லாம கொரங்கு பெடல் போட்டு சிக்கி ஓட்டுறத பானு பாத்தா அசிங்கமாயிருக்குமே இப்படியெல்லாம் அவன் மனசுக்குள்ள ஓடுச்சு.

கார்த்தி பிரண்டு செந்தில் குட்டி சைக்கிள் வைச்சிருந்தான்.அவனுக்கு கோணபுளியாங்கா எல்லாம் வாங்கி கொடுத்து கரெக்ட் பண்ணி டெய்லி ஒரு மணிநேரம் சைக்கிள் பழக சம்மதம் வாங்கிட்டான்.மொத ரெண்டு நாள் செந்தில் பிடிச்சுக்க ஒட்டி பழக ஆரமிச்சான் நாலைஞ்சு நாள்ல அப்படி இப்படின்னு ஓட்ட கத்துக்கிட்டான்.அப்பப்போ வீட்டிலிருந்த பெரிய சைக்கிள்ல யாரும் பாக்காதப்ப கொரங்குபெடலும் போட்டுப்பாத்தான் ஒரு தடவ சைக்கிள்செயின் கடை விழுந்து இவன் முட்டி பேந்துடுச்சு.அதைக்கூட பாக்காம சைக்கிளுக்கு அதாவது ஆயிடுச்சான்னு பாத்து நைசா கொண்டாந்து வீட்டுல விட்டுட்டான்.வழக்கமா போடுவதை விட கொஞ்சம் கீழே இறக்கி டவுசர் போட்டுக்கிட்டான் காயம் யாருக்கும் தெரியக்கூடாதுன்னு.

அதுக்கப்புறம் கொரங்குபெடலை கொஞ்ச நாளைக்கு மறந்து செந்தில் சைக்கிள்லயே பழக ஆரமிச்சான்.அப்படியே அவனையே வைச்சு டபுள்சும் வைச்சு ஓட்ட கத்துக்கிட்டான்.அப்படியே அவங்க அப்பாகிட்டையும் ஒட்டிக்காமிச்சு பெரிய சைக்கிளை எடுத்து பழக அனுமதியும் வாங்கிட்டான்.

குட்டி சைக்கிளோட்டி பழகியிருந்தாலும் பெரிய சைக்கிளில் காலைத்தூக்கி மேலே போட முடியவில்லை இரண்டு பெடலிலும் முழுசாக ஒரு ரவுண்டு அழுத்த கால் எட்டவும் இல்லை.மறுபடியும் கொரங்குபெடல்தான்.குட்டி சைக்கிள் நல்லா ஒட்டி கத்துக்கிட்டதால இப்ப கொரங்கு பெடல்ல கீழ விழாம ஓட்ட ஆரமிச்சான்.

அப்பறமா ஒரு நாள் செந்திலுக்கும் இவனுக்கும் ஒரு போட்டி வந்தது.கொரங்கு பெடல் போட்டு ஸ்பீடா ஓட்ட முடியாதுடா அப்படின்னான் செந்தில்.நான் உன்ன விட ஸ்பீடா போய் காட்டுறேன்னு சொல்லி பொட்டிய ஆரமிச்சாங்க கார்த்திதான் முன்னால போனான் ஆனா கொஞ்ச தூரத்துல பானு வர்றத பாத்து வெக்கப்பட்டுகிட்டு சைக்கில நிறுத்திட்டான்.செந்தில் பாத்தியா நான்தான் ஜெயிச்சேன்னு சொன்னான் .கார்த்தி அதுக்கு இல்ல ஏன் சைக்கிள்ல ஸ்போக்ஸ் கம்பி ஒண்ணு கழன்டுகிச்ச்சு அதான் நின்னுட்டேன்னு சொன்னான்.அதெல்லாம் இல்லேன்னு ரெண்டு பேரும் பேசிக்கிட்டு இருக்க பானு பக்கத்துல வந்து என்னான்னு கேட்டா செந்தில் விசயத்த சொல்ல ஆரம்பிக்க கார்த்தி தடுத்தான்ஆனா செந்தில் சொல்லிட்டான்.பானு ஸ்போக்ஸ் கம்பியை பாத்துட்டு கம்பி நல்லாத்தான இருக்கு அப்புறம் ஏன் நின்னுட்ட அப்படின்னு கேக்க,கார்த்தி தயங்கி தயங்கி,உன்ன பாத்ததால தான் நின்னுட்டேன் அப்படின்னான்.பானு அதுக்கு ஏன்னு கேட்டா.இல்ல உன் முன்னாடி கொரங்கு பெடல் போட்டு சைக்கிள் ஓட்ட வெக்கமா இருந்துச்சு அதான் அப்படின்னான்.அதுக்கு பானு மக்கு!மக்கு! நானும் மொதல்ல சைக்கிள் கத்துக்கும் போது கொரங்கு பெடல் போட்டுத்தான் கத்துக்கிட்டேன் அப்படின்னா.

அப்போ கார்த்தி ஏதோ பானுவிடம் கேட்க நினைத்து வாயெடுத்து வார்த்தைகளை முழுங்கிக்கொண்டான்.

__________________________________________________________________________________________________________________________

கார்த்தி பானுவிடம் என்ன கேட்டிருப்பான்?உங்கள் கற்பனைக்கே.......

சத்தியமாக இதற்கு என்னிடம் பதில் இல்லை.

சில விளக்கங்கள்-கோண புளியாங்கா –கொடுக்காப்புளி

செயின் கடை விழுதல்-கழண்டு விழுதல்

___________________________________________________________________________________________________________________________

கதைக்கு இன்னுமொரு கிளைமாக்ஸ் – பானு அப்படி சொன்னதும் கார்த்தி இப்ப வாடா செந்திலு பாக்கலாம் அப்படின்னு போட்டிய திரும்பவும் ஆரமிச்சாங்க.இப்ப யாரு ஜெயிச்சாங்கன்னு நான் சொல்லனுமா என்ன?

___________________________________________________________________________________________________________________________

மேலும் வாசிக்க "கொரங்கு பெடல்"

Friday, February 10, 2012

பேரதிர்ச்சி: பதிவுலக நண்பர் மாய உலகம் ராஜேஷுக்கு அஞ்சலி.

பத்து நாட்களாக பதிவுலகப்பக்கம் எந்த தொடர்பும் இல்லாமலிருந்து பார்த்தால் பேரதிர்ச்சி காத்திருந்தது.ஏற்கனவே டைப் செய்து வைத்திருந்த ஒரு பதிவை போஸ்ட் செய்து விட்டு நண்பர்களுடைய தளத்தை காணச்செல்கையில் இப்படி ஒரு நிகழ்வை எதிர்பார்க்கவில்லை/.நம் பதிவுலகத்தின் இனிய நண்பர்.மாய உலகம் ராஜேஷ் அவர்களின் இழப்பு.அவருடன் பல முறை சாட் செய்திருக்கிறேன்.இவரது ஊரான ஆத்தூரை கடந்து தான் எனது கிராமத்துக்கு போக வேண்டும்.ஆத்தூரை தாண்டும் போதெல்லாம் இவரது நினைவு வரும்.சமீபத்தில் தொலைபேசி எண் கேட்டு மெயில் அனுப்பியிருந்தேன்.ஆத்தூர் வரும் போது சந்திக்கலாம் எனக்கேட்டு,இனி..........?

நான் பதிவெழுத வந்த ஆரம்ப காலத்திலிருந்தே பின் தொடர்ந்தவர்.பல சந்தேகங்களை தயக்கமின்றி,தீர்த்து வைத்தவர்.தன்னுள் பல சோகங்களை மறைத்துக்கொண்டு நம்மையெல்லாம் சிரிக்க வைத்தாரோ என எண்ண வைத்து விட்டாயே மாயா....ஒரு முறை கற்பனையாக என்னை சந்தித்த மாதிரி ஒரு கற்பனைப்பதிவு போட்டிருந்தார்.அந்த கற்பனை நிஜமாகுமென்று நினைத்திருந்தேன் மாயா,இப்படி ஆகிவிட்டதே. உள்ளம் அழுகிறது.

நண்பர்கள் ராஜ் தளத்தில் இந்த செய்தியை பார்த்து உறைந்து விட்டேன்.கொஞ்ச நேரம் மனம் நம்ப மறுத்தது.கொஞ்சம் கொஞ்சமாக தேற்றிக்கொண்டு இந்த பதிவை எழுதுகிறேன்.

எனக்குள் நான் என்ற தொடர் பதிவை எழுத அழைத்த போது அவர் ஏற்று எழுதிய அவரைப்பற்றிய பதிவை பார்த்து நெகிழ்ந்து போயிருந்தேன்

//// என் நண்பன் என்னிடம் வாழ்க்கையில சாதனைன்னா என்னான்னு கேட்டார்... அதற்கு நான் அது, இது, என லட்சியங்களை அடிக்கி கொண்டே போனேன்... அதற்கு அவர் சிரித்தவாறு.. இறக்கும் பொழுது ரத்தம் சம்பந்தமே இல்லாத ஒரு 100 பேராவது நமது சாவிற்காக கண்ணீர் விட்டு அழவேண்டும் அது தான் சாதனை என்று சொன்னார்... மண்டையில் சுரீர் என்றது.... அவரது கையை இறுகபற்றி கைகொடுத்தேன்.////

இதை எழுதியது ராஜேஷ் தான் எனக்குள் நான் பதிவில்.இதை இந்த பதிவில் சேர்க்கும் போது அழுகை முட்டிக்கொண்டு வருகிறது.

புத்தாண்டுப்பதிவில் பதிவுலகை விட்டுப்போவதாக அறிவித்திருந்தார்.அப்போதே கொஞ்சம் அதிர்ந்து போனேன்.இப்போது பேரதிர்ச்சி கொள்ளச்செய்து விலகிச்சென்று விட்டார்.சகோ அதிரா அக்கா தான் சந்திக்க விரும்புபவர்களில் முதலில் நினைவுக்கு வந்ததாக கூறியது தம்பியான உங்களைத்தான் தான் மாயா,இப்படி பலர் மனம் கவர்ந்த மாய உலகிற்கு சொந்தக்காரர் நீங்கள் தான் ராஜேஷ்.

அவரது சகோதரர் அன்பு உலகம் ரமேஷ்( நண்பரே உங்களுக்கு என்ன சொல்லி ஆறுதல் படுத்துவது என்று தெரியவில்லை) அவர்களை தொடர்பு கொள்ள முயற்சித்துள்ளேன்.தொடர்பு கிடைத்தால் நிச்சயம் மாயாவின் வீட்டிற்கு போக எண்ணியுள்ளேன்.

அவரது குடும்பத்தாருக்கு ஆழ்ந்த இரங்கல்கள்.நம் போன்ற பல நண்பர்கள்,சகோதர,சகோதரிகளின் மனதில் என்றென்றும் வாழ்ந்து கொண்டே இருப்பீர்கள் ராஜேஷ்.நமக்கு பிரியமானவர்கள் பிரியும் போது மறுபிறவியின் மீது நம்பிக்கை வந்து விடுகிறது.மாயா மீண்டும் வருவார் என்று நம்பிக்கையுடன்..........................

இந்த பதிவை திரட்டிகளில் இணைக்கவில்லை நண்பர்களே,சோகத்தை பகிர்ந்து கொள்வதற்காக மட்டுமே எழுதியிருக்கிறேன்.

மேலும் வாசிக்க "பேரதிர்ச்சி: பதிவுலக நண்பர் மாய உலகம் ராஜேஷுக்கு அஞ்சலி."

Thursday, February 9, 2012

பல "சரக்கு"கடை 2

கட்டாய விடுப்பு

வணக்கம் நண்பர்களே,நலமா?ஆஸ்திரேலியா போயிருக்குற இந்தியா டீம் மாதிரி ஆகிடுச்சு என் நிலைமை.பி.எஸ்.என்.எல் புண்ணியத்தில் பத்து நாள் பதிவுலகத்துக்கு கட்டாய விடுப்பு வழங்கப்பட்டது.ஊழியர்களின் சுறுசுறுப்பான பணியால் இப்போது இணைப்பு கிடைத்துவிட்டது.வந்து பார்த்தால் பிளாக்கரில் டாட்.காம் டாட்.இன்னாக மாறி ஏதேதோ நடந்திருக்கிறது.பிளாக்கர்நண்பன் உதவியுடன் ஒட்டுப்பட்டைகளை சரிசெய்தேன்.(நன்றி நண்பரே)

வெட்டு இல்லேன்னா வெட்டு

எந்திரன் படத்துல VMC ஹனீபா சிட்டி ரோபாகிட்ட வெட்டுய்யா.ம்.கையில தான் அப்படிம்பாரே அப்படி கொஞ்ச நாளா நடந்துக்கிட்டு இருக்கு புதுச்சேரியில சில ரவுடிகள் கடை நடத்துபவர்கள்,தொழிலதிபர்கள்,தனியார் ஒயின்ஸ் அதிபர்கள் இவங்களுக்கெல்லாம் போன் போட்டு மாமூல் கேட்டு மிரட்டுவது தினசரி செய்தியாகிறது.அப்படி மறுத்த ஒரு கடை ஓனருக்கு அரிவாள் வெட்டு விழுந்துள்ளது.ஒரு பாரில் கொள்ளையும் நடந்துள்ளது.இது கூட பரவாயில்லை ஒரு கடை ஓனருக்கு போன் பண்ண ரவுடி ஜெயில்ல இருக்காராம்.

அப்பவும் இப்பவும்

படிக்கும்,பார்க்கும் சில விஷயங்கள் பல வருசங்களுக்கு அப்பறமும் அப்போதைய சூழ்நிலைக்கு பொருந்தும்.அப்படி ஞாபகத்துக்கு வந்த ஒரு விஷயம் ரொம்ப வருசத்துக்கு முன்னாடி விகடன்லயோ,குமுதத்திலோ படிச்சது.செய்தி-1999 உலகக்கோப்பை கிரிக்கெட் போட்டிக்கு பெப்சிதான் பிரதான ஸ்பான்சர் கமெண்ட்- அப்ப பாரதிராஜா மேட்ச் பாக்கமாட்டாருனு சொல்லுங்க.

புதிய புயல்கள்

கடந்த சில ஆண்டுகளாக டென்னிசில் வீசிக்கொண்டிருந்த பெடரர்,நடால் புயல்களை சற்றே சீற்றம் குறையச்செய்து எழுச்சி கொண்டிருக்கும் நோவக் ஜோகோவிச் இந்த ஆண்டின் சிறந்த விளையாட்டு வீரராக(லாரேஸ் ஸ்போர்ட்ஸ் அகாடமி சார்பாக) தேர்வாகியுள்ளார்.கடந்த சீசனில் மட்டும் கிட்டத்தட்ட 70 போட்டிகளில் வென்றிருக்கிறார்.ஆறோ,ஏழோ போட்டிகளில் மட்டும் தோல்வியடைந்து இந்த மகுடத்தை சூடியிருக்கிறார் இந்த 24 வயதுப்புயல்.போட்டியில் மெஸ்ஸியும்,உசேன் போல்ட்டும் சேர்த்து ஆறு பேர்.பெண்கள் பிரிவில் மகுடம் சூடியிருப்பவர் விவியன் செரியோத் என்ற கென்ய தடகள வீராங்கனை.டென்னிஸ் வீராங்கனை பெட்ரா கிவிடோவா வும் களத்திலிருந்த அறுவரில் ஒருவர்.

வொர்த்தா இல்லையா ?

ஐ.ஏ.எஸ். ஐ.பி.எஸ் அதிகாரிகள் பதினைஞ்சு வருஷம் பணியாற்றியப்புறம் கவர்மெண்டு அவங்க செயல்பாட்டை அக்குவேறா,ஆணி வேரா ஆராய்ஞ்சு அவங்க செயல்பாடு வொர்த்தா இல்லையான்னு பாத்துட்டு வொர்த் இல்லேன்னா அவங்களுக்கு கட்டாய ஓய்வு அளிக்கப்போறதா அறிவிச்சிருக்காங்க.ம் நம்ம ஏக்கம் எல்லாம் இந்த கட்டாய வி.ஆர்.எஸ் அதிகாரிகளுக்கு மட்டும் தானா?

செல்லில் சிக்கியது.

சிலந்தியின் வீடு

செடிக்குப்போர்வை

நன்றி

தானே முன் வரலாமே என பதிவின் மூலம் அறிவித்திருந்த வேண்டுகோளை விடுத்திருந்தேன்.சில நண்பர்கள் விகடனுக்கு நேரடியாகவும்,சிலர் அரசுக்கும்,சில நண்பர்கள் இணைந்து களப்பணி ஆற்றி வருவதாகவும் சொல்லியிருந்தார்கள்.காணாமல் போன கனவுகள் ராஜி மேடம் ரூ.1000அனுப்பியிருந்தார்.மொத்தமாக ரூ.2500 விகடனுக்கு அனுப்பி வைத்தேன்.ஆதரவளித்த உதவிய அனைவருக்கும் நன்றி.

பல"சரக்கு"கடை - 1

மேலும் வாசிக்க "பல "சரக்கு"கடை 2"

Thursday, January 26, 2012

மாட்டுப்பொங்கல் வாழ்த்து யாருக்கு?

வணக்கம் நண்பர்களே,

ஊர் சுத்தப்போனதோட போன பதிவில விட்டுட்டு போயிட்டேன்.தொடரலாமா?

ஊருக்குப்போய் ரொம்ப நாள் ஆனதால சொந்தக்காரங்க,நண்பர்கள் எல்லோருடைய வீட்டுக்கும் போய் சின்னதா ஒரு அட்டன்டன்ஸ் போடப்போனேன்.போன இடத்திலெல்லாம் ரொம்ப நாள் கழிச்சு வந்திருக்கே சாப்பிட்டுத்தான் போகனும்னு அன்புக்கட்டளைகள். அப்படி இப்படி செம கட்டு கட்டுனதுல ஒரு ரவுண்டு பெருத்தாச்சு.

அடுத்த நாள் மாட்டுப்பொங்கல்,எல்லா பண்டிகைக்கும் நாம ஒருத்தருக்கொருத்தர் வாழ்த்து சொல்றோம்.மாட்டுப்பொங்கலுக்கு யாருக்கு வாழ்த்து சொல்றது அப்படின்னு ஒரு டவுட்டு வந்தது.சரி பொதுவா சொல்லுவோம் ஹேப்பி மாட்டுப்பொங்கல்னு மொபைல்ல பேஸ் புக்ல இப்படி போட்டேன்,நம்ம மதுரன் குசும்பா சேம் டூ யூ பாஸ் அப்படின்னு வாரி விட்டுட்டாரு.ஓகே.மாட்டுப்பொங்கல் எனக்கு சின்ன வயசிலிருந்தே ரொம்ப இஷ்டம்( .பொங்கல் பண்டிகையிலே எனக்கு ரொம்ப பிடிச்ச நாள் குறிப்பா கிராமங்கள்ல இந்த நாளன்னிக்குத்தான் ரொம்ப சிறப்பா கொண்டாடுவாங்க. சின்ன வயசிலிருந்தே ஏன் பிடிக்கும்னா அந்த நாளன்னிக்குதான் எல்லா சொந்தக்காரங்களும் எந்த ஊர்ல இருந்தாலும் தவறாம வந்திடுவாங்க என்னென்ன உறவு முறைகள் நம்ம வழக்கத்துல இருக்கோ அவங்க எல்லோரையும் இந்த நாள்ல ஒண்ணா பாக்கலாம்.

அப்புறம் மாட்டுப்பொங்கல் அன்னைக்கு சில சிறப்புப்பணிகள்(?) எப்பவும் காத்துக்கிடக்கும் அது என்னன்னா மாடு குளிப்பாட்டுறது,கொம்புக்கு பெயின்ட் அடிக்கறது,பொங்கல் வைக்க தேவையான பொருட்கள் வாங்குறது,பொங்கல் வைக்க இடம் தயார் பண்றது இப்படி இதெல்லாம் செய்யும் போது ஒரு ராமராஜன் படத்துல அவருக்கு பதிலா நடிச்ச ஒரு பீலிங்(அவரு அளவுக்கு நம்மால முடியாது ஏதோ நம்மால முடிஞ்சது).

( கொம்பிலும் நான் கொஞ்சம் கறப்பேன்)

( மேதைக்கு டிக்கெட் கன்பார்ம் ஆகிடுச்சா)

காலையில் முன்னோர்களுக்கு படையல் வைச்சு வணங்கிட்டு அன்னைய ஒரிஜினல் ஹீரோவ தயார்படுத்தும் வேலையில இறங்கியாச்சு.சமத்தா நின்னா மேதை படம் பாக்க கூட்டிட்டு போறேன்னு சொன்னதால தாத்தா வீட்டு பசு எந்த டிஸ்டர்ப்பும் பண்ணாம அமைதியா நின்னுச்சு.

சுத்து வட்டாரத்துல இருக்குற சில குடும்பங்கள் ஒண்ணா சேர்ந்து,அவங்க வீட்டுல இருக்குற கால்நடைகள் எல்லாத்தையும் ஒரே இடத்துல கூட்டிவந்து ஒண்ணா பொங்கல் வைச்சு படிச்சு அவங்களை சிறப்பிச்சு,நன்றி சொல்லி,அவங்களுக்கு இந்த வருஷம் நோய் எதுவும் தாக்காம இருக்கணும்னு வேண்டிக்கிட்டு எல்லோரும் ஒண்ணா பொங்கலோ பொங்கல் அப்படின்னு கூவுனது பக்கத்து ஊருக்கே கேட்டிருக்கும்.கையில தட்டு வைச்சுக்கிட்டு குச்சியால வாண்டுகள் செம தட்டு தட்டுனுச்சுங்க.

உறவினர்கள்,நண்பர்கள் கேலி,கிண்டல் பேச்சு,நலம் விசாரிப்புகள்,வாழ்த்துபரிமாற்றம் அவர்களுடன் நேரச்செலவிடுதல் இவைதான் ஒரு பண்டிகையின் உண்மையான கொண்டாட்டம், உண்மையான மகிழ்வு இது எல்லாமே எனக்கு ஒவ்வொரு பொங்கலுக்கும் என்னோட கிராமத்துல கிடைக்கும்.இது வேறெந்த பண்டிகைக்கும் கிடைக்காது.

அடுத்த நாள் மாடு பிடித்த கதையை எழுதலாமா?வேணாமா யோசித்துக்கொண்டிருக்கிறேன் பார்ப்போம்.

__________________________________________________________________________________________________________________________

இந்த வாரம் வலைச்சரத்தில் எழுதி வருகிறேன்.உங்கள் ஆதரவை அங்கும் எதிர்பார்க்கிறேன் ,நன்றி.

_____________________________________________________________________________________________________________________________

மேலும் வாசிக்க "மாட்டுப்பொங்கல் வாழ்த்து யாருக்கு?"

Saturday, January 21, 2012

தானே முன் வரலாமே...

வலைப்பூ நண்பர்களுக்கு ஒரு வேண்டுகோள்,

தானே புயல் கடந்த ஆண்டு இறுதியில் கடலூர்,புதுவை வட்டாரப்பகுதிகளை புரட்டிப்போட்டு சென்றதை நீங்கள் அறிவீர்கள்.அதற்கான நிவாரணங்கள் அரசு,தனியார் என பல இடங்களில் இருந்து வந்த வண்ணம் உள்ளது.ஆனால் சேதம் ,இழப்பு கணக்கிட இயலாதது.அவற்றை ஈடு செய்வது என்பதும் முடியாத ஒன்றுதான்.

நம் மக்களுக்கு நமது சகோதர,சகோதரிகளுக்கு நாம் உதவாமல் போவோமா?குஜராத் பூகம்பம்,கார்கில் நிதி,சுனாமி நிவாரணம் இப்படி எல்லா நேரங்களிலும் நமது மக்களுக்காக நாம் அளித்த பங்கு கணிசமானது என்பதையும் இந்த நேரத்தில் நினைவு கூராமமலிருக்க முடியாது.

இப்போது தானே ஏற்படுத்திய துயரத்தை சற்றே துடைக்கும் வகையில் விகடன் குழுமம் தனது சார்பில் ரூ.10 லட்சத்தை அளிக்க முன் வந்துள்ளது அது மட்டுமல்லாமல் அந்த நிறுவனம் சார்பில் வாசகர்களிடமிருந்தும் உதவிக்கரம் நீட்ட கோரியுள்ளது.வாசகர்களும் ஆதரவுக்கரம் நீட்டியவண்ணம் உள்ளனர்.

நண்பர்களே!வலைப்பூ வாசகர்களே!

இந்தப்பதிவு மூலம் உங்களையும் தங்களால் முடிந்த அளவு தானேவால் ஏற்ப்பட்ட துயரம் துடைக்க உதவுமாறு வேண்டுகிறேன்.இதன் விபரங்களுக்காக விகடனால் உருவாக்கப்பட்டுள்ள பிரத்யேகப்பக்கம் http://www.vikatan.com/thane/ இங்கே சென்று விபரங்கள் பெறலாம்.இது குறித்த விகடனின் அறிவிப்பு இதோ,

________________________________________________________________________________________________________________

வெளிநாட்டு வாசகர்கள் எங்களின் இந்தியன் வங்கி கரன்ட் அக்கவுன்ட் எண் 443380918 (ஆர்.டி.ஜி.எஸ்./ ஐ.எஃப்.எஸ்.சி. கோட்: IDIB000C032 , எத்திராஜ் சாலை கிளை, சென்னை-600008) வழியாக அனுப்பலாம். நேரில் வந்து நிதி அளிக்க விரும்புவோர், விகடனின் அண்ணா சாலை அலுவலகத்தில் அளித்து உரிய ரசீதை உடனே பெற்றுக்கொள்ளலாம்.

Vasan Charitable Trust பெயரில் நிதி உதவி அளிப்பவர்களுக்கு, 1961 வருமான வரிச் சட்டம் 80-ஜி பிரிவின்படி (உத்தரவு எண்: DIT(E)NO.2(749)/03-04 dt. 10-05-2010) வருமான வரி விலக்கு கிடைக்கும்.

நேயமிக்க வாசகர்களே... நீங்கள் அனுப்பும் வழிமுறை எதுவாக இருப்பினும், கீழே நாங்கள் அளித்து உள்ள படிவத்தையும் தயவுசெய்து பூர்த்திசெய்து, 'தானே துயர் துடைப்புத் திட்டம்’ என்று உறையின் மீது மறவாமல் குறிப்பிட்டு 'ஆனந்த விகடன், 757, அண்ணா சாலை, சென்னை - 600002' என்ற முகவரிக்கு அனுப்பிவைக்க வேண்டுகிறோம்.

வாருங்கள் வாசகர்களே... 'தானே’ துயரை நாமும் துடைப்போம்!

நெஞ்சில் ஈரம் உள்ள அனைவரும் நம் தமிழ்ச் சொந்தங்களின் துயர் துடைக்க முன்வரலாம். Vasan Charitable Trust என்ற எங்களின் அறக்கட்டளையின் பெயருக்கு செக் அல்லது டி.டி. எடுத்து அனுப்பலாம். நிதியை நெட் பேங்கிங் மூலம் டிரான்ஸ்ஃபர் செய்ய விரும்புவோர், எங்களின் ஐ.சி.ஐ.சி.ஐ. வங்கி சேமிப்பு கணக்கு எண் 000901003381 (ஆர்.டி.ஜி.எஸ்./ ஐ.எஃப்.எஸ்.சி. கோட்: ICIC 0000009 , நுங்கம்பாக்கம் கிளை, சென்னை-600034) வழியாக அனுப்பலாம்.
வெளிநாட்டு வாசகர்கள் எங்களின் இந்தியன் வங்கி கரன்ட் அக்கவுன்ட் எண் 443380918 (ஆர்.டி.ஜி.எஸ்./ ஐ.எஃப்.எஸ்.சி. கோட்: IDIB000C032 , எத்திராஜ் சாலை கிளை, சென்னை-600008) வழியாக அனுப்பலாம். நேரில் வந்து நிதி அளிக்க விரும்புவோர், விகடனின் அண்ணா சாலை அலுவலகத்தில் அளித்து உரிய ரசீதை உடனே பெற்றுக்கொள்ளலாம்.
Vasan Charitable Trust பெயரில் நிதி உதவி அளிப்பவர்களுக்கு, 1961 வருமான வரிச் சட்டம் 80-ஜி பிரிவின்படி (உத்தரவு எண்: DIT(E)NO.2(749)/03-04 dt. 10-05-2010) வருமான வரி விலக்கு கிடைக்கும்.
நேயமிக்க வாசகர்களே... நீங்கள் அனுப்பும் வழிமுறை எதுவாக இருப்பினும், கீழே நாங்கள் அளித்து உள்ள படிவத்தையும் தயவுசெய்து பூர்த்திசெய்து, 'தானே துயர் துடைப்புத் திட்டம்’ என்று உறையின் மீது மறவாமல் குறிப்பிட்டு 'ஆனந்த விகடன், 757, அண்ணா சாலை, சென்னை - 600002' என்ற முகவரிக்கு அனுப்பிவைக்க வேண்டுகிறோம்.
வாருங்கள் வாசகர்களே... 'தானே’ துயரை நாமும் துடைப்போம்!
- ஆசிரியர்

- ஆசிரியர்

http://news.vikatan.com/?nid=6079

____________________________________________________________________________________________________________

நானும் எனக்கு தெரிந்தவர்களிடம் உதவி சேகரித்து வருகிறேன், கணிசமான தொகை சேர்ந்ததும் விகடன் மூலம் உரியவர்களுக்கு சேர்க்க திட்டமிட்டுள்ளேன்.

எனது icici savings acc.no - 099601500497

Name- M.GOKUL

Branch- Karaikal .

இந்த சேமிப்பு கணக்கிற்கும் நீங்கள் பணமாக அனுப்பலாம். வலைப்பூ நண்பர்கள் சார்பாக அந்த பணத்தை அனுப்பி விடுகிறேன்.எனது கணக்கிற்கு பணம் அனுப்புபவர்கள் gokul304@gmail.com மெயிலுக்கோ அல்லது +91 9486146881, +91 9791961976 என்ற எனது தொலைபேசியிலோ முன்னமே தொடர்பு கொண்டு தகவல் தெரிவித்து விடுங்கள். பணம் அனுப்பியவர்களது பெயரை பணம் அனுப்பியதும் எனது தளத்தில் பணம் அனுப்பியதற்கான சான்றுடன் வெளியிடுகிறேன்.முடிந்தவரை பணம் அனுப்புபவர்கள்(எனக்கு அனுப்புபவர்கள் மட்டும்) அடுத்த வெள்ளிக்குள்(27/01/2012) அனுப்புமாறு கேட்டுக்கொள்கிறேன்.

முடிந்தவரை இந்த பதிவை பலரிடம் கொண்டு சேர்க்கவும்.நன்றி.

மேலும் வாசிக்க "தானே முன் வரலாமே..."

Friday, January 20, 2012

நாங்களும் பொங்குவோம்ல

என் இனிய வலை மக்களே! உங்கள் பாசத்துக்குரிய கோகுல் மனதில் கோகுல் ஒரு சிறிய இடைவெளிக்குப் பிறகு மீண்டும் உங்களை சந்திக்க வந்திருக்கிறேன்.இந்த முறை உங்களுக்கு சமர்ப்பிக்க எனது கிராமத்தின் சில பக்கங்களை வண்ணங்களாக என் எண்ணங்களாக எடுத்து வந்திருக்கிறேன். கொங்கு மண்டலத்தின் கடைக்கோடியில் இருக்கும் இந்த கிராமத்தின் ஒரு திருநாளில் எனது அனுபவங்களை உங்களோடு பகிர்ந்து கொள்கிறேன்,வாருங்கள் இந்த கிராமத்தில் திரியும் பறவையாக மாற உங்களையும் அழைக்கிறேன்.படமெடுக்க நண்பனாய் எனது கைப்பேசி காமிராவுடன்,எனது அனுபவமும்,ஒரு கிராமத்தின் கொண்டாட்டமும் உங்கள் பார்வைக்காக இதோ,

நேத்து நைட்டு கே டி.வில பாரதிராஜா படமெல்லாம் எதுவும் பாக்கலைங்க,பொங்கலுக்கு ஊருக்கு போய் வந்ததுல தானா கை அப்படி டைப் அடிக்க ஆரமிச்சுடுச்சு.இது என்னோட கிராமத்துல எனது பொங்கல் அனுபவம் அதாங்க மேட்டரு.சொர்க்கமே என்றாலும் அது நம்மூரைப் போலாகுமா?இளையராஜா சரியாதான் பாடியிருக்காரு.சொந்த ஊர் அனுபவம் எல்லாருக்கும் அப்படித்தான்.நான் எப்பவும் பொங்கலின் போது எனது கிராமத்தில் இருக்க தவறியதில்லை.எப்பாடு பட்டாவது(இவ்விடத்தில் எத்தனை பல புளுகு மூட்டைகளை அவிழ்த்தாவது என அர்த்தம் கொள்க)லீவு வாங்கி நான்கைந்து நாள் அங்கே இருப்பது போல் போய்விடுவேன்.

போகியன்று மூச்சுத்திணற வேலைக்கு போய் வந்து அன்னைக்கு இரவு கிளம்பி போனேன்,முதல் மரியாதை க்ளைமாக்சில் ராதா வரும் போது சிவாஜிக்கு சிலிர்ப்பது போல எனக்கும் சிலிர்த்தது(கொஞ்சம் பனி ஜாஸ்தி).போனவுடன் அந்த சூழல் எனக்கு ஓட்ட மறுத்தது என்னை மறந்து போய் விட்டாயே என ஊடல் கொண்ட காதலியைப்போல.கொஞ்ச நேரம் கழித்து உறவுகளின் நலம் விசாரிப்புக்குப்பின் கொஞ்சம் கொஞ்சம் கொஞ்சமாக எனது நிலையை புரிந்து கொண்டு ஊடல் தீர்ந்து என்னுடன் கலக்க ஆரம்பித்தது.இப்போதும் சிலிர்த்தது ஆனால் இப்போது காரணம் பனி அல்ல.

நீங்கல்லாம் போகிக்கு என்ன எரிச்சிங்கன்னு கேட்டேன்.நம்மக்கிட்ட என்ன இருக்கு எரிக்க அப்படின்னாங்க.அங்கெல்லாம் எதுவும் இல்லன்னாலும் எதையாவது போட்டு எரிப்பாங்கன்னு நினைச்சுக்கிட்டேன்.இங்க போகிய காப்புக்கட்டு அப்படின்னு சொல்லுவோம்.அதாவது வேப்பிலையுடன் ஆவாரம்பூ,பூளைப்பூ இதெல்லாம் சேத்து கட்டி வீடு,மாட்டு கொட்டகை,வாகனங்கள்,வயல் இங்கெல்லாம் வைப்போம்.அவ்வளவுதான்.

( இது மட்டும் நெட்டில் சுட்டது )

பொங்கல்னா கரும்பு இல்லாமலா?அல்வாவ திருநெல்வேலியிலயும்,மாம்பழத்த சேலத்துலயும்,வாங்குறது தான் சிறப்பு அதுபோல கரும்பு வாங்க கரும்புத்தோட்டத்துக்கே போயாச்சு.நாம காட்டுற கரும்ப வேரோட புடுங்கித்தந்தாங்க.பத்து கரும்ப ரெண்டு பேரு தூக்க முடியல அவ்வளவு கனம்.

கரும்ப தோட்டத்துல வாங்கிட்டு மஞ்சள மட்டும் கடையிலையா வாங்குவோம்?பக்கத்து தோட்டத்துக்கு போய் அதையும் புடுங்கி வந்தாச்சு,இதையெல்லாம் பாக்கும் போது நமக்கு தேவையானத நாமளே விளைய வைச்சு மத்தவங்களுக்கும் கொடுக்குறத விட்டுட்டு,கையெழுத்து போட்டுட்டு நமக்கு மேல ஒரு மேனேஜர்,அவருக்கு ஒரு மேனேஜர் யாரோ முதலாளிக்கு சொல்லும் வேலையை செய்ய போனதை நினைத்து ஒரு பக்கம் குற்ற உணர்ச்சி உறுத்தியது.ALL IS WELL.

வாங்கி வந்த கரும்பு மஞ்சளுடன் சர்க்கரை பொங்கல் வைத்து சூரியனுக்கு படைத்து,கடந்த வருட விளைச்சலுக்கு துணை புரிந்ததற்க்கு நன்றியும் இவ்வருட விளைச்சல் அமோகமாக இருக்க துணைபுரிய வேண்டுதலும் செய்தோம்.பொங்கல் படைச்சு முடிச்சு அக்கம்,பக்கம் உள்ளவங்க எல்லோரும் பொங்கல் பரிமாற்றம் வாழ்த்து பரிமாற்றம் பண்ணிக்கிட்டோம்.பொங்கல் சாப்பிட்டுட்டு ஒரு கரும்பை கையில எடுத்துக்கிட்டு சாப்பிட்டுக்கிட்டே ஊர் சுத்த கிளம்பியாச்சு.

கிராமத்துலே சிறப்பே மாட்டுப்பொங்கல் தான் அது எப்படி இருந்ததுன்னு இன்னுமோர் பதிவில பாப்போம்...

மேலும் வாசிக்க "நாங்களும் பொங்குவோம்ல"