மனிதா...
நீயும் கடவுளாகலாம் !
உன் விழிகளுக்கு
சாகாவரம் அளிப்பதனால் !!
[ photo-thanks to my friend madhesh]
மீள்வு
| Tweet | ||||||
Showing posts with label கவிதை. Show all posts
Showing posts with label கவிதை. Show all posts
Wednesday, April 11, 2012
Sunday, February 26, 2012
நிறம்,மனம்,இதயம்,அரேங்கேற்றம்
நிறம்
தோலில் பார்க்காதவரையில்
எல்லோர்க்கும் ப்ரியமே!
மனம்
சிலருக்கு
முகம் பார்க்கும் கண்ணாடியாய்
சிலருக்கு
ஊடுருவும் கண்ணாடியாய்!
இதயம்
இருக்கிறதா என்றாய்
இருந்தது என்றேன்!
அரங்கேற்றம்
உன்னிடம் பேச வேண்டியதை
நன்கு ஒத்திகை பார்க்கிறேன்
ஆனால் அரங்கேற்றம்
வேறு விதமாகத்தான் நடக்கிறது!
பேஸ்புக்கில்,டிவிட்டரில் பகிர்ந்தது.
படங்கள்-கூகுள் தேடலில்.......
| Tweet | ||||||
Tuesday, February 14, 2012
எல்லாம் செய்யும் இந்த ________காதல்!!!
ஊனை உருக்கும்
உயிரைக் கரைக்கும்
காலம் மறக்கும்
காத்திருக்கச் சொல்லும்
உறக்கம் அகலும்
உணவு கசக்கும்
கவிதை எழுதச் சொல்லும்
கனவு காணச் சொல்லும்
ஹார்மோன்களைத்
தூண்டிவிட்டு
ஹார்மோனியம் வாசிக்க விட்டு
வேடிக்கை பார்க்கும்
தனிமை பிடிக்கும்
தானாய்ப் பேச வைக்கும்
சிந்திக்க வைக்கும்
சிறகு முளைக்கும்
எதுவுமே இல்லாமல்
ஏதேதோ எண்ணச்சொல்லும்
ஒன்றுமே இல்லாமல்
ஒரு மணிநேரம் கூட பேசச் சொல்லும்
இவை எல்லாம் செய்யும் இந்த_______________ காதல்
டிஸ்கி-எனக்கு போதிய அனுபவம் இல்லாததால் கோடிட்ட இடத்தை தாங்களே நிரப்பிக்கொள்ளுமாறு கேட்டுக்கொள்கிறேன்.(அப்பா தப்பிச்சுட்டேன்)
(சில நண்பர்கள் இத எங்கயோ பாத்தமாதிரி இருக்குன்னு சொல்லுறது கேக்குது,ஆமாங்க மீள்பதிவு.வந்த புதுசுல போட்டது காதலர்தினதுக்காக திரும்பவும்........)
| Tweet | ||||||
Monday, December 26, 2011
எமனின் பினாமியான சுனாமி...
ரயில், மலை,கடல் இம்மூன்றும்
ரசிக்க ரசிக்க அலுக்காதென்பர்
ஆனால் இதை விடுத்து
வெறுக்கத்தக்க இடத்தில்
முதலாவதாய் கடல் வந்து நின்றது ஏனோ?
பொறுமைக்கு உதாரணமாய்
பூமித்தாயே உனைத்தானே சொல்வார்கள்
பூமித்தாயே!நீ கடல்தாயோடு
கைகோர்த்துக்கொண்டு
சுனாமி அலைகளை
எமனின் பினாமியாய் அனுப்பி
அரங்கேற்றிய திருவிளையாடலில்
அழிந்து போனது உன் பிள்ளைகளே!
அதிலும் என்ன பாவம் செய்தன
அலையில் கால் நனைத்து
சிரித்து விளையாடி மகிழ்ந்து திரிந்த
சின்னஞ்சிறு பிஞ்சுகள்?
கோழி மிதித்து குஞ்சு முடமான
கொடுமை நிகழ்ந்தது உன் அரங்கேற்றதால்!
உப்பிட்டவரை உள்ளளவும் நினைஎன்பர்
உப்பிட்ட நீயே
உயிர்க்கொல்லியாக மாறினாய்
உன்னை எப்படி உள்ளளவும் நினைக்க?
உன் நடன அரங்கேற்றத்திற்கு மேடையாக
எங்கள் வாழ்க்கையா கிடைத்தது?
நீ என்ன கோபத்தில் கொப்பளித்தாயோ?
உன் மீது எங்கள் கோபம் கொப்பளிக்க செய்து விட்டாய்
என்ன சொல்லி தேற்றப்போகிறாய்?
ஏதுமறியாமல் என்ன செய்வதென்று புரியாமல்
உறவிழந்து உடமையிழந்து
உருகி நிற்கும் உன் பிள்ளைகளை?
நீ தேற்றுவதால் ஒன்றும் ஆகப்போவதில்லை
வருங்காலத்தில் உனது ஆட்டம் தொடராமல்
வங்கத்தாய் என சொல்லும் உன் பிள்ளைகளின்
வார்த்தையை காப்பாற்று அதுவே போதும்!
| Tweet | ||||||
Thursday, December 8, 2011
நேற்று காவிரி, இன்று முல்லைப்பெரியாறு, நாளை ???
வான் பொய்ப்பினும்
தான் பொய்யாக்காவிரி-இன்று
வானும்பொய்த்து
தானும் பொய்த்து
வறண்டு கிடக்கிறது!
கரிகால்வளவன் கட்டிய
கல்லணையிலோ –இன்று
கால் நனைக்க தண்ணியில்லை
கண்ணீர்கூட மிச்சமில்லை!
திருச்சியில் இருகரை தொட்டோடிய காவிரி
தீர்த்தமாய் தேங்கி நிற்கிறது
தெளிவாய் இருந்தாலாவது தீர்த்தமெனலாம்
தேங்கிக்கிடப்பதென்னவோ கழிவுகள் தாம்!
யானைகட்டி போரடித்த தஞ்சையில்-இன்று
பானை பொங்க வழியில்லை
கூட்டணி குழப்பத்தில் அரசு
பட்டினி மயக்கத்தில் மக்கள்!
வறண்டு கிடக்குது வயல்கள்
வட்டிக்கடையில் வளையல்கள்
பாளம்பாளமாய் வெடித்து நிற்குது கழனி
பார்த்து பார்த்து வெடிக்குது விவசாயியின் தமனி!
பால் கறந்த பசுவெல்லாம்
பாழாய்ப்போன கந்துக்கு இரையாக
ஏர் உழுத எருதெல்லாம் –அடுத்தவேளை
சோற்றுக்காக விற்கப்படுகின்றன!
பட்டம் பார்த்து விதை விதைத்தோம்
பருவம் பார்த்து அறுவடை செய்தோம்
சட்டம் ஏதோ போட்டார்களென்று
புருவம் உயர்த்தி காத்திருக்கிறோம்!
கல்லூரிக்காலத்தில்(2005)காவிரிப்பிரச்சினை தலைவிரித்தாடியபோது
எழுதியது.அன்று காவிரிக்கு வந்தது இன்று முல்லைப்பெரியாருக்கு
வந்திருக்கிறது.பெயர் தான் மாறியிருக்கிறது நிலைமை????????
| Tweet | ||||||
Friday, November 25, 2011
இப்படி நன்றி செய்வாயோ?
பிறந்த போது
பேருவகை அடைந்த
தந்தையை
எத்தனையோ இரவுகளில்
தூங்க விடாமல்
தவழ்ந்து நடக்கையில்
அசந்த சமயங்களில்
அடிக்கடி சாலைக்கு ஓடி
பிள்ளையை பத்திரமா பாத்துக்குங்க
என பலரையும் பேச வைத்து
| Tweet | ||||||
Friday, November 4, 2011
உழைப்பு!
வயலில்
வியர்வை சிந்தி
உழைக்கிறார் தந்தை
தந்தையின் கஷ்டத்தை
புரிந்து கொண்ட மகனும்
வியர்வை சிந்தி
கஷ்டப்பட்டான்
திரையரங்க வாசலில்
தனது அபிமானத்துக்கு
பாலாபிசேகம் செய்ய!
தனது அபிமானத்துக்கு
பாலாபிசேகம் செய்ய!
டிக்கெட் வாங்க!
| Tweet | ||||||
Wednesday, November 2, 2011
விளைநிலம்!!!
எல்லையில் இருந்து கொண்டு
எல்லோரையும் காப்பவரே!
பனியில் உறைந்து வெயிலில் காய்ந்து
பகைவரை அழிப்பவரே!
தூக்கம் தொலைத்து உணவு மறந்து
தேசம் காப்பவரே!
வீட்டு நலம் கருதாமல்
நாட்டுநலம் போற்றுபவரே!
உயிரை துச்சமெனக்கருதி-நாட்டை
உயிரென மதிப்பவரே!
துப்பாக்கி குண்டுகளை எதிர் கொண்டு
துணிந்து நிற்பவரே!
அதோ!
எதிரிகள் கொக்கரிக்கின்றனர்
ஏதோ ஒரு வீரனை கொன்றதற்க்காக!
அதைப்பற்றி கண்டு கொள்ளாதீர்கள்
அவர்களுக்குத்தெரியாது
இங்கே ஒரு வீரனைப்புதைத்தால்
இங்கே ஒரு வீரனைப்புதைத்தால்
ஈராயிரம் வீரர்கள் முளைப்பார்களென்று
ஏனெனில் இது வீரர்களின் விளைநிலம்!
(சில நேரங்களில் இந்த வீரத்தின் விளை நிலத்தில் சில களைகளும் வளர்ந்து விடுவது வருத்தமளிக்கிறது.சமீபத்திய உதாரணம் சிறுவன் தில்சன் சம்பவம்.மேலும் சில நிகழ்வுகள் உங்களுக்கே தெரியும். )
| Tweet | ||||||
Saturday, October 29, 2011
நெருப்பு!!!
நெருப்பு
பெண்ணே!
உன்னை கண்ணகியோடு
சீதையோடு
ஒப்பிட்டால்
ஒப்புக்கொள்ளாதே!
நீ கண்ணகியாயிருந்தால்
ஒரு ஊரையே எரிக்கவேண்டியிருக்கும்
நீ சீதையாயிருந்தால்
நீயே எரிய வேண்டியிருக்கும்
நீ நீயாயிரு!
நீயே நெருப்பாயிரு!
நெருப்பு உனக்குள்ளிருக்கட்டும்!
எது உன்னை நெருங்கும்?
நெருப்பென்றால் எப்படி?
நல்லன ஆக்கவும்
தீயவை அழிக்கவும்
தெரிந்த நெருப்பாய்!
| Tweet | ||||||
Tuesday, October 25, 2011
சந்தோஷத் தீபாவளி!!!
வெடிக்கும் பட்டாசுகளையும்
பொறியும் மத்தாப்புகளையும்
பார்த்து நாம் மகிழ்கிறோம்
நம்மை மகிழச்செய்த
பட்டாசுதொழிலாளர்கள்?
பட்டாடை மினுமினுக்க
புத்தாடை ஜொலிஜொலிக்க
நாமுடுத்தி மகிழ
உருவாக்கி தந்த
மில் தொழிலாளர்கள்?
வீட்டில் நுழைந்தவுடன்
வாலாட்டி குலைந்து கொண்டு
நன்றியுடன் காவல் காத்து
நடைப்பயிற்சிக்கு உடன் வரும்
செல்லப்பிராணிகளுக்கு?
எல்லையின்றி திரிந்து
சிறகு விரித்துப்பறந்து
கீச்சுக்குரலில் பாடி
நம் மனதை மயக்கும்
பறவையினங்களுக்கு?
உறவுகளைப் பாக்கணும்
ஊர்ப்போய்ச் சேரனும்
நட்புக்களுடன் நகைக்கணும்
கொண்டு சேர்க்கும்
போக்குவரத்துத்துறையினருக்கு?
பட்டாசின் மிச்சம்
புதுத்துணிகளில் சுற்றப்பட்ட
இனிப்பு காரம் செய்ய வாங்கிய
பிளாஸ்டிக் குப்பைகளை
அடுத்த நாள் சுத்தம் செய்யும்
துப்புரவாளர்களுக்கு?
இந்த நன்னாளில்
எந்த வித அசம்பாவிதங்களும்
நிகழக்கூடாது என
தங்கள் வயிற்றில் நெருப்பைக்கட்டி
தயார் நிலையில் இருக்கும்
தீயனைப்புப்படையினருக்கு?
இது போல ஒரு பண்டிகையை
நம்மை கொண்டாட வைக்கும்
இவர்களைப் போன்றவர்களுக்கு
இது சந்தோசத்தீபாவளியா என்றால்
என்னைப்பொருத்த வரை கேள்விக்குறியே
நம்மால் இயன்ற வரை இந்நாளில்
இவர்களைப்பார்க்க நேரிடுகையில்
வாழ்த்து சொல்லி கை கொடுப்போம்.
நிச்சயம் சந்தோஷத்தீபாவளியாய் உணர்வார்கள்!
அனைத்து நண்பர்களுக்கும்,குடும்பத்தார்க்கும்
பாதுகாப்பான இனிய,தீபஒளித்திருநாள் வாழ்த்துக்கள்!
| Tweet | ||||||
Wednesday, October 19, 2011
கொள்கை எனப்படுவது யாது?
அறிவுத்திருட்டு
புத்தகங்களை தொலைப்பதில்
எனக்கு மகிழ்ச்சியே
அவை
எடைக்கு
போடப்படாதவரை!
சிரிப்பு
கசகசத்த
பேருந்துப்பயணத்தை
கவித்துவமாக்கியது
ஒரு மழலையின்
சிரிப்பு
காக்கை எங்கே?
பிண்டம் வைத்தாயிற்று
எந்தக்காக்கை
எடுக்கும்
சிங்கப்பூரில்!
கொள்கை
புரியாதது
கேட்பவர்களுக்கு
கொஞ்சமாய்
சொல்பவர்களுக்கு
சுத்தமாய்
| Tweet | ||||||
Subscribe to:
Posts (Atom)