மாணவர் போராட்டம்-இப்போதும் இணையாத தமிழக கட்சிகள்

உலகின் பார்வையை சற்றே தமிழகத்தின் பக்கம் திரும்பிப்பார்க்க வைத்திருப்பதில் வெற்றியடைந்துள்ளது தமிழக மாணவப்பருவத்தினரின்  ஈழம் குறித்த போராட்டங்கள்.மாணவப்பருவத்தில் அவர்களுக்கேயுரிய துடிப்பை இத்தனை நாட்களாக கல்வி,சினிமா,பொழுதுபோக்கு,விளையாட்டு,காதல் மற்றும் சில பல விதங்களில் மட்டுமே பார்த்து வந்த நமக்கு இந்த போராட்டம் இந்திய அரசியலை புருவம் உயர்த்தி பார்க்க வைத்திருக்கிறது.

நினைத்துப்பார்க்கையில் அவர்களை துடிக்க வைத்து போராட்டத்தில் குதிக்க வைத்தது யார்?ஆதாயம் தேடியே அரசியல் வியாபாரம் செய்யும் அரசியல்வாதிகளால்தான்,அவர்கள் மேலுள்ள கோபம் தான்.நீங்க செய்ய வேண்டியதைத்தாண்டா நாங்க படிப்பை விட்டுட்டு செஞ்சுட்டு இருக்கோம் என்ற கோபம் சில அரசியல்வாதிகள் போராட்டத்திற்கு ஆதரவளித்து பேச வந்த போது பேச மறுத்து திருப்பி அனுப்பியதிலிருந்து தெரிகிறது.

இதற்கு முன் மாணவர் போராட்டம் என்றால் பஸ்டே,கல்லூரிகளுக்கிடையில் வரும் மோதல் போன்ற சில போருக்கித்தனங்கல்தான் மக்கழ்மனத்தில் வந்து நிற்கும்.இன்று தமது இன மக்களுக்காக முழு மூச்சாக போராடும் பாங்கு வீரவணக்கம் கொள்ள செய்கிறது.இத்தனை பயன்படுத்தி ஓட்டரசியல் செய்யத்துடிக்கும் அரசியல்வாதிகளை உங்கள் கற்பனையில் எண்ணியாவாறெல்லாம் திட்டிக்கொள்ள அனுமதிக்கிறேன்.

எனக்கு நெடுங்காலமாக ஒரு சந்தேகம் இருக்கிறது.எனக்கு அரசியல் அனுபவம் சற்றே குறைவுதான்.அனுபவமிக்கவர்கள் சொல்லுங்கள்.ஆளுங்கட்சியாக இருந்தாலும்,எதிர்க்கட்சியாக இருந்தாலும்,அதிரி புதிரி கட்சிகளாகட்டும் மக்கள் பிரச்சினைக்காக போராடுகிறேன் என்கிறீர்கள்.ஒன்று பிரச்சினை வருவது இங்கே இருந்து என்றால் ஒருவரை மாற்றி ஒருவர் தாக்கிக்கொள்வது,குறைகூறிக்கொள்வது,தூற்றிக்கொள்வது என்ன இழவு வேண்டுமானால் செய்து கொண்டு போங்கள்.

          
                                      [நன்றி-http://avargal-unmaigal.blogspot.in]

ஆனால் பிரச்சினை வருவது வெளியே இருந்து என்றால்,அதாவது வெளிமாநிலம் அல்லது மத்திய அரசிடமிருந்து என்றாலும் கூட அதே இழவை ஏன் கூட்டிக்கொண்டிருக்கிறீர்கள்.உங்கள் கட்சியின் உண்மையான நோக்கம் மக்களின் நன்மை என்கிறீர்கள்,அப்படியானால் ஒருவரை ஒருவர் குறைகூற திட்டமிடும் நேரத்தில் எப்படியெல்லாம் போராடி நன்மை காண வழி செய்யலாம் என சிந்திக்கலாமே.,

ஒரு பிரசினைக்காகவாது இணைந்து போராடக்கூடாது என தமிழக கட்சிகளுக்கு யார் சட்டம் எழுதி வைத்திருக்கிறார்கள் என தெரியவில்லை.காவிரிப்பிரச்சினை,முல்லைப்பெரியார்,ஒகேனக்கல் கூட்டு குடிநீர் திட்டம்,பாலாறு பிரச்சினை இது போன்ற விசயங்களில் பிரச்சினை என வரும் போது அந்தந்த மாநிலத்துக்கட்சிகள் கை கோத்துக்கிட்டுகோதாவில் இறங்கும் போது கபாடிப்போட்டியில் எல்லோரும் அவுட்டாகிவிட தனியே ரெய்டு வருபவரை எதிர் கொள்ளும் வீரனைப்போல அப்பாவியாய் நானும் போராடுகிறேன் என பேசுவது உங்களுக்கு சிரிப்பை வரவழைக்கவில்லை?

                                         [நன்றி-http://avargal-unmaigal.blogspot.in]

சரி,உங்கள் எல்லோருக்கு ஒரே ஒரு கேள்வி.எந்த பிரசினைக்காகத்தான் நீங்கள் எல்லோரும் இணைந்து போராடுவீர்கள்?ஒற்றுமையே வலிமை,கூடி வாழ்ந்தால் கோடி நன்மை என உங்கள் பிள்ளைகளுக்கல்ல,நீங்கள் கற்றுக்கொள்ளுங்கள்.இப்போது தான் நேரம் கூடியிருக்கிறது.நமது இனத்திற்காகவாவது இணையுங்களேன்.ஒட்டு மொத்த மாணவர்களது கூட்டு குரலுக்கே திரும்பிப்பார்த்த உலகம் ஒரு மாநிலத்தின் பிரதிநிதிகள் அனைவரும் இணைந்து கூப்பிட்டால் என்ன வேண்டும் உங்களுக்கென்று கேட்காமலா போய்விடும்????

அதுதான் உங்களுக்கென்று ஒரு தாரக மந்திரம் இருக்கிறதே தேர்தலுக்கு தேர்தல் ஒரு உணர்ச்சிகரமான சந்திப்புக்கு பின் சொல்லுவீர்களே ஓட்டுப்பொறுக்க  "அரசியலில் நிரந்தர நண்பனும் இல்லை எதிரியும் இல்லை என்று இல்லை"என்று அதை ஒரு முறையாவது மக்களின் நன்மைக்கு பயன்படுத்தினால் உங்க கொள்கைக்கு இழுக்கு ஏதாவது வந்திடுமோ? ,இல்லை அது முடியாது,நாங்கள் செய்த தியாகம் என்ன?எங்கள் வரலாறு என்ன?நாங்கள் அப்படியெல்லாம் இணைய மாட்டோம் என்றால்,இன்றைய சூழ்நிலையில் மக்களின் கேள்வி இதுவாகத்தான் இருக்கும்.,அது மௌனம் பேசியது படத்தில் சூர்யா கதாபாத்திரம் கேட்குமே,நீங்கல்லாம் காதலிச்சு கல்யாணம் பண்ணி மயிரவா புடுங்கப்போறீங்க??,இங்கே காதலிச்சு,கல்யாணம் பண்ணி என்ற இடத்தில் கட்சி நடத்தி போராட்டம் பண்ணி என போட்டுக்கொள்ளவும்.  

மேலும் வாசிக்க "மாணவர் போராட்டம்-இப்போதும் இணையாத தமிழக கட்சிகள்"

	Tweet

ஒகேனக்கல் விசிட்-ரைட்டு கர்நாடகாவாம்,லெப்ட் தமிழ்நாடாம்

 பதிவர் சங்க வேண்டுகோளை ஏற்று எனது ஒகேனக்கல் விசிட் பற்றிய கடந்த பதிவின் தொடர்ச்சி.,

பரிசலுடன் அருவிக்குள் போலாமா என பரிசல்காரர் கேட்டதும் என்ன அருவிக்குள்லையா என்ற எனது அதிர்ச்சியை பொருட்படுத்தாமல் போலாம் ரைட் என நண்பர்கள் சொன்னதால் அருவிக்குள் சில நொடிகளில் புகுந்தது பரிசல்.வேகமாக சென்று விட்டதால் மொபைல்,கேமிராவை பாதுகாப்பாக வைப்பதற்குள் கொஞ்சமாக நனைந்து விட்டது.நல்லவேளையாக ஒன்றும் ஆகவில்லை.

                            [ கேப்டன்னாலே தண்ணில சும்மா பூந்து விளையாடுறாங்க ]     

அப்புறம் பரிசலை பம்பரம் போல கரகரவென சுத்திவிட்டார்.தலை சுற்ற ஆரம்பிப்பதற்குள் நிறுத்திவிட்டதால் தலை தப்பியது.என் நண்பன் ஒருவனுக்கு துடுப்பு போடும் ஆவல் வர பரிசல் காரரிடம் துடுப்பு வாங்கி போட்டுப்பார்க்க அது கர்நாடகா பார்டர் பக்கம் போனது,ஆமாங்க அங்கே லெப்ட் பாறை தமிழ்நாடாம்,ரைட்டு பாறை கர்நாடகாவாம்.சொன்னாங்க.ஏற்கனவே அவங்களுக்கும் நமக்கும் வாய்க்கா தகராறு இருக்குன்னு சொல்லி துடுப்பை வாங்கி பரிசல் கேப்டனிடமே கொடுத்தோம்.

                     [தம்பி அவங்களுக்கும் நமக்கு வாய்க்கா தகராறு -வண்டிய திருப்பு]                   

பரிசல் போடுவது கொஞ்சம் கடினமான வேலைதான்.இடப்பக்கம் இரண்டுமுறை,வலப்பக்கம் இரண்டுமுறை துடுப்பை பிடித்திருக்கும் முறையை மாற்றி மாற்றி போட்டால்தான் பரிசல் சொன்ன பேச்சு கேக்குமாம்.சுமார் நானூறு பரிசல்கள் இருக்கிறதாம் ஒகேனக்கலில்.ஒரு நாளைக்கு இருநூறு பேரும் அடுத்த நாளைக்கு அடுத்த இருநூறு பேரும் மாறி மாறி பணி புரிவார்களாம்.சீசன் காலங்களில் ஒரு நாளைக்கு மூன்று ட்ரிப் கிடைக்குமாம்,மற்ற நேரங்களில் ஒன்று கிடைத்தாலே அதிகம் என்கிறார்கள்.ஒரு ட்ரிப்க்கு 200 ரூபாய்தான் கிடைக்கும் என்றார் எங்கள் பரிசல்காரர்.இதைதான் நம்ப முடியவில்லை நாங்கள் மட்டுமே 800ரூபாய் கொடுத்தோம்.அப்ப மீதி காசு எங்கே போகிறது?அது போக டிப்ஸ் வேறு கேட்கிறார்கள். 

            

அருவிகளில் இருந்து சமவெளியில் தண்ணீர் ஓடு ஒரு இடத்திற்கு போய் இறக்கிவிட்டுட்டு போய் குளிச்சுட்டு வாங்க வெயிட் பண்றேன்னு சொல்லிட்டார் பரிசல் கேப்டன்.அதுக்கப்புறம் தண்ணியை கண்ட ............களாட்டம் ஆட்டம் போட தயாரானோம்.ஹலோ,ஹலோ முதலைகள்னு சொல்ல வந்தேன்,நீங்க வேற ஏதாவது கற்பனை பண்ணிக்காதீங்க.தண்ணியில கிட்டத்தட்ட ஒன்னரை மணி நேரம் செம ஆட்டம்.ஒரு வருசத்துக்கு சேத்து குளிச்சாச்சு.உடம்பெல்லாம் ஊரிப்போகும் அளவுக்கு தண்ணியில இருந்தாச்சு,இதுக்கு மேல இருந்தா சின்ன கல் பட்டாகூட காயம் ஆகிடும் அந்த அளவுக்கு கும்மாளம் போட்டுட்டு கரையேறினோம்.திரும்பவும் பரிசலில் ஏறி ஏறின இடத்தில் இறங்கினோம்.

   [ஏண்டா இந்த தண்ணி கடலுக்குதான போகுது அது மட்டும் ஏன் உப்பா இருக்கு]

அதற்குள் வாங்கிக்கொடுத்திருந்த மீன் வறுவலாகவும்,குழம்பாகவும் உருவெடுத்திருந்தது.தண்ணீரில் போட்ட ஆட்டத்தால் செம பசி.சமைக்கும் இடத்துக்கு அருகில் சாப்பிட ஒதுக்கப்பட்டுள்ள இடம் இன்னும் கொஞ்சம்,இல்லை இல்லை நிறையவே பராமரிக்கலாம்.அதற்கு நுழைவுக்கட்டணம் ஐந்து ரூபாய் வேறு.நான் சைவ பட்சினி என்பதால் எனக்கு காரகுழம்பும்,ரசமும்.வாங்கி வந்த தயிர் பாக்கெட்டை நமது மூத்த மூதாதையார் ஒருவர் எடுத்துக்கொண்டு ஓடி விட்டார். தயிர் போச்சே என நொந்து கொண்டு சாப்பிட்டோம்.ஐந்து பேர் சாப்பிட்டதற்கு மொத்த பட்ஜெட் கிட்டத்தட்ட 700 ரூபாய். 

                                               

                    [அட மீன் செத்தா கருவாடு...சாரி வறுவல் ]


சாப்பிட்டு விட்டு மெயின் அருவி வியூ பாயிண்ட்கு போனோம்.அதற்கு கட்டணம் ஐந்து ரூபாய்.அங்கே சில,ஸ்டில்ஸ் எடுத்துக்கொண்டு கொஞ்ச நேரம் சுற்றினோம்.அதன் பிறகு களைத்து போய் அறைக்கு திரும்பினோம்.காலையில் எழுந்து அவரவர் பேருந்துகளை பிடித்து கிளம்பினோம்.

          [நாங்க அஞ்சு பேரு எங்களுக்கு பயம்னா என்னனு தெரியாது ]

               

சொல்ல(வேண்டிய) மறந்த சில விஷயங்கள்

ரோடு முழுக்க நிறைய மாடுகள் மேய்கின்றன.யாரையும் எதுவும் செய்வதில்லை என்றாலும் பார்த்தாலே பயத்தை வரவைக்கின்றன.போதாதற்கு,காகித ,பிளாஸ்டிக் கப்புகளை லபக்கென்று விழுங்குகின்றன.

                                      
                                 

    [ இந்தகோட்ட தாண்டி நீயும் வரக்கூடாது நானும் வரமாட்டேன் ]


உ.பா.பிரியர்கள் கவனத்திற்கு-ஒகேனக்கலில் டாஸ்மாக் கிடையாது.வெளியில் இருந்து எடுத்து வருபவர்களையும் அனுமதிப்பதில்லையாம்.ஆனால் கள்ளச்சந்தையில் விற்பனை அமோகமாக நடக்கிறது.

இந்த சமயங்களில் வெயில் ஜாஸ்தியாக இருக்கிறது.தண்ணீரை விட்டு வெளியில் வந்தால் சுரீர் என்கிறது.டிசம்பரில் நன்றாக இருக்குமாம்.

அங்கிருந்து ஒரு கி.மீ.தொலைவில் முதலைப்பண்ணை ஒன்று இருக்கிறது.நாங்கள் போகவில்லை.நேரமிருந்தால் அதையும் ஒரு விசிட் அடிக்கலாம்.

ஒருநாள் போய் ஜாலியாக என்ஜாய் பண்ணிட்டு வரலாம் ஒரு மீடியம் பட்ஜெட்டில்...

மேலும் வாசிக்க "ஒகேனக்கல் விசிட்-ரைட்டு கர்நாடகாவாம்,லெப்ட் தமிழ்நாடாம்"

	Tweet