தானே முன் வரலாமே...

வலைப்பூ நண்பர்களுக்கு ஒரு வேண்டுகோள்,

தானே புயல் கடந்த ஆண்டு இறுதியில் கடலூர்,புதுவை வட்டாரப்பகுதிகளை புரட்டிப்போட்டு சென்றதை நீங்கள் அறிவீர்கள்.அதற்கான நிவாரணங்கள் அரசு,தனியார் என பல இடங்களில் இருந்து வந்த வண்ணம் உள்ளது.ஆனால் சேதம் ,இழப்பு கணக்கிட இயலாதது.அவற்றை ஈடு செய்வது என்பதும் முடியாத ஒன்றுதான்.

நம் மக்களுக்கு நமது சகோதர,சகோதரிகளுக்கு நாம் உதவாமல் போவோமா?குஜராத் பூகம்பம்,கார்கில் நிதி,சுனாமி நிவாரணம் இப்படி எல்லா நேரங்களிலும் நமது மக்களுக்காக நாம் அளித்த பங்கு கணிசமானது என்பதையும் இந்த நேரத்தில் நினைவு கூராமமலிருக்க முடியாது.

இப்போது தானே ஏற்படுத்திய துயரத்தை சற்றே துடைக்கும் வகையில் விகடன் குழுமம் தனது சார்பில் ரூ.10 லட்சத்தை அளிக்க முன் வந்துள்ளது அது மட்டுமல்லாமல் அந்த நிறுவனம் சார்பில் வாசகர்களிடமிருந்தும் உதவிக்கரம் நீட்ட கோரியுள்ளது.வாசகர்களும் ஆதரவுக்கரம் நீட்டியவண்ணம் உள்ளனர்.

நண்பர்களே!வலைப்பூ வாசகர்களே!

இந்தப்பதிவு மூலம் உங்களையும் தங்களால் முடிந்த அளவு தானேவால் ஏற்ப்பட்ட துயரம் துடைக்க உதவுமாறு வேண்டுகிறேன்.இதன் விபரங்களுக்காக விகடனால் உருவாக்கப்பட்டுள்ள பிரத்யேகப்பக்கம்  http://www.vikatan.com/thane/  இங்கே சென்று விபரங்கள் பெறலாம்.இது குறித்த விகடனின் அறிவிப்பு இதோ,

________________________________________________________________________________________________________________

நெஞ்சில் ஈரம் உள்ள அனைவரும் நம் தமிழ்ச் சொந்தங்களின் துயர் துடைக்க முன்வரலாம். Vasan Charitable Trust என்ற எங்களின் அறக்கட்டளையின் பெயருக்கு செக் அல்லது டி.டி. எடுத்து அனுப்பலாம். நிதியை நெட் பேங்கிங் மூலம் டிரான்ஸ்ஃபர் செய்ய விரும்புவோர், எங்களின் ஐ.சி.ஐ.சி.ஐ. வங்கி சேமிப்பு கணக்கு எண் 000901003381 (ஆர்.டி.ஜி.எஸ்./ ஐ.எஃப்.எஸ்.சி. கோட்: ICIC 0000009 , நுங்கம்பாக்கம் கிளை, சென்னை-600034) வழியாக அனுப்பலாம்.

வெளிநாட்டு வாசகர்கள் எங்களின் இந்தியன் வங்கி கரன்ட் அக்கவுன்ட் எண் 443380918 (ஆர்.டி.ஜி.எஸ்./ ஐ.எஃப்.எஸ்.சி. கோட்: IDIB000C032 , எத்திராஜ் சாலை கிளை, சென்னை-600008) வழியாக அனுப்பலாம். நேரில் வந்து நிதி அளிக்க விரும்புவோர், விகடனின் அண்ணா சாலை அலுவலகத்தில் அளித்து உரிய ரசீதை உடனே பெற்றுக்கொள்ளலாம்.

Vasan Charitable Trust பெயரில் நிதி உதவி அளிப்பவர்களுக்கு, 1961 வருமான வரிச் சட்டம் 80-ஜி பிரிவின்படி (உத்தரவு எண்: DIT(E)NO.2(749)/03-04 dt. 10-05-2010) வருமான வரி விலக்கு கிடைக்கும்.

நேயமிக்க வாசகர்களே... நீங்கள் அனுப்பும் வழிமுறை எதுவாக இருப்பினும், கீழே நாங்கள் அளித்து உள்ள படிவத்தையும் தயவுசெய்து  பூர்த்திசெய்து, 'தானே துயர் துடைப்புத் திட்டம்’ என்று உறையின் மீது மறவாமல் குறிப்பிட்டு 'ஆனந்த விகடன், 757, அண்ணா சாலை, சென்னை - 600002' என்ற முகவரிக்கு அனுப்பிவைக்க வேண்டுகிறோம்.

வாருங்கள் வாசகர்களே... 'தானே’ துயரை நாமும் துடைப்போம்!

நெஞ்சில் ஈரம் உள்ள அனைவரும் நம் தமிழ்ச் சொந்தங்களின் துயர் துடைக்க முன்வரலாம். Vasan Charitable Trust என்ற எங்களின் அறக்கட்டளையின் பெயருக்கு செக் அல்லது டி.டி. எடுத்து அனுப்பலாம். நிதியை நெட் பேங்கிங் மூலம் டிரான்ஸ்ஃபர் செய்ய விரும்புவோர், எங்களின் ஐ.சி.ஐ.சி.ஐ. வங்கி சேமிப்பு கணக்கு எண் 000901003381 (ஆர்.டி.ஜி.எஸ்./ ஐ.எஃப்.எஸ்.சி. கோட்: ICIC 0000009 , நுங்கம்பாக்கம் கிளை, சென்னை-600034) வழியாக அனுப்பலாம்.
வெளிநாட்டு வாசகர்கள் எங்களின் இந்தியன் வங்கி கரன்ட் அக்கவுன்ட் எண் 443380918 (ஆர்.டி.ஜி.எஸ்./ ஐ.எஃப்.எஸ்.சி. கோட்: IDIB000C032 , எத்திராஜ் சாலை கிளை, சென்னை-600008) வழியாக அனுப்பலாம். நேரில் வந்து நிதி அளிக்க விரும்புவோர், விகடனின் அண்ணா சாலை அலுவலகத்தில் அளித்து உரிய ரசீதை உடனே பெற்றுக்கொள்ளலாம்.
Vasan Charitable Trust பெயரில் நிதி உதவி அளிப்பவர்களுக்கு, 1961 வருமான வரிச் சட்டம் 80-ஜி பிரிவின்படி (உத்தரவு எண்: DIT(E)NO.2(749)/03-04 dt. 10-05-2010) வருமான வரி விலக்கு கிடைக்கும்.
நேயமிக்க வாசகர்களே... நீங்கள் அனுப்பும் வழிமுறை எதுவாக இருப்பினும், கீழே நாங்கள் அளித்து உள்ள படிவத்தையும் தயவுசெய்து  பூர்த்திசெய்து, 'தானே துயர் துடைப்புத் திட்டம்’ என்று உறையின் மீது மறவாமல் குறிப்பிட்டு 'ஆனந்த விகடன், 757, அண்ணா சாலை, சென்னை - 600002' என்ற முகவரிக்கு அனுப்பிவைக்க வேண்டுகிறோம்.
வாருங்கள் வாசகர்களே... 'தானே’ துயரை நாமும் துடைப்போம்!
- ஆசிரியர்

- ஆசிரியர்

 http://news.vikatan.com/?nid=6079

 ____________________________________________________________________________________________________________

நானும் எனக்கு தெரிந்தவர்களிடம் உதவி சேகரித்து வருகிறேன், கணிசமான தொகை சேர்ந்ததும் விகடன் மூலம் உரியவர்களுக்கு சேர்க்க திட்டமிட்டுள்ளேன்.

எனது icici savings acc.no - 099601500497

Name- M.GOKUL

Branch- Karaikal .

இந்த சேமிப்பு கணக்கிற்கும் நீங்கள் பணமாக அனுப்பலாம். வலைப்பூ நண்பர்கள் சார்பாக அந்த பணத்தை அனுப்பி விடுகிறேன்.எனது கணக்கிற்கு பணம் அனுப்புபவர்கள் gokul304@gmail.com மெயிலுக்கோ அல்லது +91 9486146881,  +91 9791961976 என்ற எனது தொலைபேசியிலோ முன்னமே தொடர்பு கொண்டு தகவல் தெரிவித்து விடுங்கள். பணம் அனுப்பியவர்களது பெயரை பணம் அனுப்பியதும் எனது தளத்தில் பணம் அனுப்பியதற்கான சான்றுடன் வெளியிடுகிறேன்.முடிந்தவரை பணம் அனுப்புபவர்கள்(எனக்கு அனுப்புபவர்கள் மட்டும்) அடுத்த வெள்ளிக்குள்(27/01/2012) அனுப்புமாறு கேட்டுக்கொள்கிறேன்.

முடிந்தவரை இந்த பதிவை பலரிடம் கொண்டு சேர்க்கவும்.நன்றி.

மேலும் வாசிக்க "தானே முன் வரலாமே..."

	Tweet

“நிவாரணந்தா”வான நித்தியானந்தா...

நித்தியானந்தா இந்த பெயரை கொஞ்ச நாளா சொல்லும்,கேட்கும் பல பேருடைய(என்னையும் சேர்த்து தான்) ரியாக்சன் என்னவாக இருந்திருக்கும் அப்படிங்கறது உங்க எல்லோருக்கும் தெரிஞ்சிருக்கும்.கேலி,கிண்டல்,நையாண்டி,நக்கல்,கோபம்,சிலருக்கு இயலாமை கூட(எதுக்குன்னு கேக்காதீங்க).ஆனா சமீபத்துல இந்த எல்லா ரியாக்சனும் மறந்து போய் மரியாதையுடன் பார்க்க வைத்திருக்கிறார் புதுச்சேரியின் சில கிராமப்புற மக்களை.

இங்குள்ள சில கிராமங்களுக்கு இப்போதைக்கு அவர்தான் தானே வந்த தானைத்தலைவர்,ஆமா,தானே புயலால் வந்த தானைத்தலைவர்.தானே புயல் புதுவை,கடலூர் வட்டார பகுதிகளை புரட்டிப்போட்டது எல்லாருக்கும் தெரியும்.அது நித்தியானந்தாவின் மேலிருந்த களங்கத்தையும் சற்றே(சற்று தான்) புரட்டிப்போட்டிருக்கிறது.

ஒவ்வொரு வீட்டுக்கும் குறைந்தபட்ச சேதம் 5000ரூபாயாவது(விவசாயிகள்,வியாபாரிகள்,தொழிற்சாலைகளின் சேதம்,இழப்பு ரொம்ப அதிகம்)இருக்கும்.புயலால் பாதிக்கப்பட்டிருந்த மக்கள் எதிர்பார்த்திருந்தது உடனடி நிவாரணம்.நிவாரணமென்றால் பணம் கிடையாது.அன்றைய வேளை சாப்பாடு,தாகத்துக்கு தண்ணீர்.உடுத்திக்க துணி.புதுவை முதல்வர் அறிவித்த குடும்ப அட்டைக்கு ரூ.2000 கூட யாருக்கும் பெரிதாய் தெரியவில்லை.இங்கே பாண்டிச்சேரியில் பணம் கிடைச்சா நம்ம மக்கள் என்ன பண்ணுவாங்கன்னு நான் சொல்லி தெரிய வேண்டியதில்லை.( எப்பேர்ப்பட்ட புயலிலிலும் உடனடியா மீண்டது கள்ளுக்கடைகளும் சாராயக்கடைகளும் தான்).

பத்து நாள் கழித்து இப்போதான் மத்தியக்குழு வந்து சேதங்களை பார்வையிடுகிறது.(இன்னும் ஒரு ரெண்டு வாரம் கழிச்சு வந்திருக்கலாமே –இப்படி ஒரு டக்க எங்கயும் பாத்திருக்க முடியாது). இவங்க போய் அங்கே அறிக்கை தாக்கல் செஞ்சு,ஆலோசனை நடத்தி,முடிவுஎடுத்து,அமுல்படுத்தறதுக்குள்ள............ஹாவ்வ்வ்வ்(கொட்டாவி).

இந்த நிலைமையில்தான் களமிறங்கினார் நித்தியானந்தா.களமிறங்கினார்னா எப்படி ?அவரே நேரிடையா புதுவையில் அவருக்கு இருக்குற ஒரு இடத்துல நிவாரணக்குழு அமைச்சு அதுவும் புயலடித்த இரண்டாம் நாளே அவரே நேரில் வந்து அந்த பகுதி மக்களுக்கு மூன்று வேளை உணவு,குடிநீர்,துணி,குளிருக்கு போர்வைகள் வழங்கி உடனடி நிவாரணம் என்றால் என்ன என்பதை உணர்தி சென்றார்.

இத்தனைக்கும் அவர் சர்ச்சையில் சிக்கிய சமயம் இதே இடம் சிலரால் அடித்து சேதப்படுத்தப்பட்டது.இன்று அதே இடத்தில் அந்த பகுதி மக்களுக்காக நிவாரணமுகாம் அமைத்து அந்த மக்களின் மனதில் ஒரு படி உயர்ந்து நிற்கிறார்.அவரது இந்த நிவாரணப்பணியின் நோக்கம் எதுவாக வேண்டுமானாலும் இருக்கட்டும்.அதன் ஆதி,அந்தமெல்லாம் ஆராயாமல்,அவர் தன் மேலுள்ள அவப்பெயரை மறக்கடிக்க இது போல சேவை செய்கிறார் என்று பேச்சு அடிபட்டாலும் அவரது இந்த செயலால் இன்னும் கொஞ்ச நாளாவது நிவாரண உதவி பெற்ற மக்கள் மனதுக்குள் அவரை வாழ்த்திக்கொண்டிருப்பார்கள் என்பது மட்டும் உண்மை.

மேலும் வாசிக்க "“நிவாரணந்தா”வான நித்தியானந்தா..."

	Tweet

"தானே" உணர்த்தியது இதைத்தானோ?

தானே! கடந்த நான்கு நாட்களாக பாண்டிச்சேரி,கடலூர்,சிதம்பரம் அதன் சுற்று வட்டாரப்பகுதிகளை புரட்டிப்போட்ட வார்த்தை.இது ஆண்பாலா பெண்பாலா தெரியவில்லை ஆனால் இந்த பகுதிகளில் உள்ள பெரும்பாலானவர்களின் இயல்பு வாழ்க்கையை பாழ் பண்ணிப்போய்விட்டது.வழக்கமாக செய்தித்தாள்களில் மட்டுமே பலத்த காற்றுடல் மழை,புயல் கரையைக்கடந்தது என்பதை பார்த்து வந்தவர்களுக்கு,நான் இப்படித்தான் இருப்பேன் என தன் கோர முகத்தைக்காட்டி உணர்த்திச்சென்றது தானே புயல்.

புயல் குறித்து முன்பே எச்சரிக்கப்பட்டதால் 29.12.2011வியாழன் மதியத்திலிருந்தே கரண்ட் கட்.சாயங்காலம் லேசா மழை ஆரமிச்சது.ராத்திரி ஆக ஆக மழை கொஞ்சம் அதிகமானது.பதினோறு பணிக்கு மேல காத்து கொஞ்சமா வீச ஆரமிச்சு நேரம் ஆக ஆக நெடுஞ்சாலையில் டாப் கியரில் போகும் காரின் வேகமெடுத்தது.வார்த்தைகளில் அளவிட முடியா வேகம்.வீட்டைச்சுற்றியிருந்த தென்னை மரங்களிலிருந்து மட்டைகளும் தேங்காயும் தொபீர்,தொபீரென விழுந்துகிட்டே இருந்துச்சு.ஜன்னல்களை சாத்தியிருந்தும் காற்று இடுக்குகளில் புகுந்து என்னென்னவோ சத்தம் போட்டு பயமுறுத்தியது.இரவு முழுக்க தூக்கமில்லை.இரைச்சல் பேரிரைச்சல்......

வெளிச்சம் வந்ததும் வெளிய வந்து பார்த்தால் பேயாட்டம் ஆடிக்கொண்டிருந்தது மரமெல்லாம்.எதிரில் ஒரு வீட்டின் மாடியிலிருந்த ஆஸ்பெஸ்டாஸ் கூரை பெயர்த்துக்கொண்டு மூன்று வீடு தாண்டி விழுந்தது.சின்டெக்ஸ் டாங்குகள் பல தெருக்கள் தாண்டி கிடந்தன.பெரிய மரம,சின்ன மரம் பாகுபாடு இல்லாம எல்லா மரங்களும் ரோட்டுல ,சிலது வீட்டு மேல,வண்டிங்க மேல முறிஞ்சு விழுந்தது.மொபைல் போன் சிக்னல்கள் கட் ஆகிடுச்சு.கிட்டத்தட்ட மதியம் பன்னெண்டு மணிக்கப்பறம் தான் காத்து நின்னுச்சு.

சரி கொஞ்சம் வெளிய போய் பாத்துட்டு வரலாம்னு போனா,வரலாறு காணாத அளவு சேதம்,மக்களின் இயல்பு வாழ்க்கை பாதித்தது ன்னு பேப்பர்ல படிச்சதெல்லாம் நேரில் பாத்தேன்.டூ வீலர்ல கொஞ்ச தூரத்துக்கு மேல போக முடியல ரோட்டுல அவ்வளவு மரம்.காற்றடிச்சி ஓய்ஞ்ச பின் மழை பெய்தது,இதனால மீட்பு பணிகளுக்கு தாமதமானது.கடைகள்ல(ஒண்ணு ரெண்டு தான் திறந்திருந்தது) மெழுகுவர்த்தி,பால்,ரவை,நூடுல்ஸ்'க்கெல்லாம் நல்ல கிராக்கி.மெழுகுவர்த்தி பத்து ரூபாய் வரைக்கும் வித்தது(சின்னது தாங்க சாதாரணநாள்ல ரெண்டு அல்லது மூணு ரூவா தான்).கிட்டத்தட்ட புதுவையே முடங்கியிருந்தது பேருந்து,மின்சாரம்,குடிநீர்,தகவல் தொடர்பு எதுவுமில்லாமல் வெள்ளியன்று துண்டிக்கப்படிருந்தது.

சனி காலை விழுப்புரம்-புதுவை,கடலூர்-புதுவை போக்குவரத்து மட்டும் தொடங்கியது.மின்சாரம் இல்லாததால் குடிநீர் தட்டுப்பாடு தலையெடுக்க தொடங்கியது.அருகிலிருந்த தொழிற்சாலைகள் சில தங்கள் நிறுவனத்திலிருந்து ஜெனேரேட்டர் மூலம் குடிநீர் விநியோகித்தன.ATM கள் எங்கும் இயங்கவில்லை.பல இடங்களில் செல்போன் தவர்களும் விழுந்ததால் சிக்னல் கிடைப்பதில் பிரச்னை மூன்றாவது நாளாக கரண்ட் இல்லாததால் செல்போனில் சார்ஜூம் இல்லை பலருக்கு.

ஞாயிறு-புத்தாண்டு எந்தவித ஆர்ப்பாடமுமில்லாமல் தானேவின் புண்ணியத்தில் கடந்தோடியது.பட்டாசு இல்லை,டி.வி.சிறப்புநிகழ்ச்சி இல்லை,செல்போனில் ஹேப்பி நியூ இயர் இல்லை.

சில இடங்களில் நிவாரணம் வரவில்லை என சிலர் நடத்திய சாலை மறியல்களால் நிவாரணம் இன்னும் சற்று தாமதமானதென்னவோ உண்மை.அதிலும் விழுந்திருக்கும் மின் கம்பங்களின் எண்ணிக்கை எண்ணிலடங்காதது.சேதம் எங்கெங்கே என்று அறிவதற்கே சில நாட்கள் பிடிக்கும்.ஆங்காங்கே சரி செய்து மின்சாரம் தருகிறார்கள் எங்கள் பகுதிக்கு ஐந்து நாட்களுக்கு பிறகு நேற்று இரவு மின்சாரம் வந்தது(இதையே அதியசமாக பார்த்தோம்,பத்து நாளாவது ஆகுமென நினைத்தோம்).இவ்வளவும் போதாதென்று நேற்று அதிகாலை நிலநடுக்கம் வருதென மக்கள் நடுத்தெருவில் வந்து நின்றார்கள்.யார் கிளப்பி விட்டார்களோ?

விரைந்து பணியாற்றிய மின் ஊழியர்களுக்கும்,பொதுத்துறை ஊழியர்களுக்கும்,குறிப்பாக அந்தந்த பகுதி மக்களின் உதவிக்கும்,தொண்டு நிறுவனங்களுக்கும் மிக்க நன்றிகளும் பாராட்டுகளும்.

இந்த தானே புயல் மூலம் இயற்கை தானாக ஏதோ சொல்லிச்செல்வது போல தெரிகிறது.நான் கடந்த பதிவில் குறிப்பிட்டிருந்தமாதிரி எல்லோரும் தண்ணீரை சொட்டு சொட்டாக பார்த்து பார்த்து செலவு செய்ததையும்,மின்வெட்டே இல்லாத புதுவையில் ஐந்து நாளாக மின்சாரம் இல்லாமல் மக்கள் வாழப்பழகியதையும் பார்க்க முடிந்தது.ஒரு வேளை இயற்கை உணர்த்தி சென்றது இது போன்ற நிகழ்வுகளைதானோ???  

புகைப்படங்கள்-http://thegreenogre.blogspot.com,http://kottakuppam.wordpress.com,தினமலர்.

மேலும் வாசிக்க ""தானே" உணர்த்தியது இதைத்தானோ?"

	Tweet