பல"சரக்கு"கடை - 7(18/05/2012)

கடவுள் இருக்காரா கொமாரு ......

கொஞ்ச நாளா பேப்பர புரட்டுனா,நியூஸ் பாக்கும் போதெல்லாம் தினமும் ஏதாவது ஒரு கோவில் தேரோட்டத்துல தேர் அச்சு முறிஞ்சு நாலு பேர் பலி,அஞ்சு பேர் கவலைக்கிடம் அப்டின்னு வருது,ஊருக்கே மின்சாரம் இல்ல,அப்டி இருக்கும் போது சப்பரத்தில் மின்சாரம் பாய்ந்து உயிரிழக்கும் சம்பவங்களும் நடக்கிறது,ஒருவேளை எப்படியும் கரண்ட் இருக்காதுங்கற தைரியத்தில் போயிருப்பாங்களோ?கடவுள் இருக்காரு கொமாருனு புதுப்பேட்டைல ஒரு டயலாக் வருமே,இதெல்லாம் பாக்கும் போது மேல சொன்ன மாதிரி கேக்க தோணுது.

காத்து கொடுக்குது,நெருப்பு கெடுக்குது

காற்றாலை மின் உற்பத்தி அதிகரித்து மின்வெட்டு குறைந்த மகிழ்ச்சியை கொஞ்ச நாளைக்குள்,மேட்டூர் அனல்மின் நிலையத்தீ மட்டுப்படுத்தி விட்டது.அப்புறமென்ன வியர்வைக்குளியலுக்கு தயாராக வேண்டியது தான்,விடுங்க பாஸ்,இது என்ன நமக்கு புதுசா என்னா?

கார்த்திக்கும்,பிரபுவும்

கார்த்திக்கும்,பிரபுவும் மணிரத்னதுடன் இணைந்து (இதுக்கு நீ அக்னி நட்சத்திரம்னே சொல்லியிருக்கலாம்) படுத்தும் பாடு தாங்கலைங்க,ஒரு வாரமா,கண்ணெல்லாம் எரிச்சல்,கண்ணை சுத்தி கருப்பாகிடுச்சு(இந்த நிலைமையில இப்போ பொண்ணு பாக்க போயிருந்தா கல்யாணம் இன்னும் கொஞ்சம் தள்ளிப்போயிருக்கும்,விதி வலியது!),கால் ஷூவோட ஒட்டிக்கும் போல இருக்கு.பைக்ல போகும் போது  யாரோ நெருப்ப அள்ளி தூவுறது போல இருக்கு.போன வருசத்தோட இந்த வருஷம் வெயில் ஜாஸ்தில்ல,ச்சே வருசா வருஷம் இப்டி வெயில் அதிகமாகிட்டே இருந்தா எப்டிதான் மனுஷன் இருக்கிறதோ ,அப்டிங்கற வழக்கமான டயலாக்கை சொல்லி தேத்திக்க வேண்டியதுதான்.

எல்லா டிரைவருக்கும் ஓரே ஃபீலிங்

கொஞ்ச நாளா நான் போற எல்லா தனியார் பஸ்லயும் பாத்து வியந்த ஒரு விஷயம் சொல்லி வச்ச மாதிரி ஒரு மணி நேரப்பயணத்தில ஆம்பளைக்கும் பொம்பளைக்கும் அவசரம் பாட்டும் , வேணாம் மச்சான் வேணாம் இந்த பொண்ணுங்க காதலு பாட்டும் தவறாம ஒலிக்குது,இல்ல இல்ல கதறுது.ஒவ்வொரு மனுசனுக்கும் ஒவ்வொரு ஃபீலிங்,எல்லா டிரைவருக்கும் ஒரே ஃபீலிங் போல,இதே போல நான் கல்லூரி படித்த( ம்ம்ம்,சரி,சரி கல்லூரிக்கு போன அப்டினே வைச்சுக்கங்க)காலத்தில் எங்கே போனாலும் வருஷமெல்லாம் வசந்தம்,உன்னை நினைத்து பாடல்கள் ஒலித்தது நியாபகத்துக்கு வருது.

ஆ.ராசா வா ராசா

கிடைசாச்சுங்க இன்னும் சில நாட்களுக்கு பத்திரிக்கைகளுக்கும்,செய்தி சானல்களுக்கும்,ஏன் நமக்கும் தான் செம மேட்டர்.கடல்லயே இல்லேன்னு சொல்லிட்டு இருந்த ஜாமீனை எப்டியோ தேடி கண்டுபிடிச்சு கொடுத்துட்டாங்க.இதுக்கு நம்ம மௌனகுரு கருத்து சொல்ல விரும்பவில்லையாம்,என்னத்த சொல்லி என்னத்த பண்றதுனு நினைக்கிறார் போல(வழக்கம் போல),என்னத்த கண்ணையா மாதிரி இவர என்னத்த பிரதமர்னு இனிமே கூப்டுக்கலாம்.

இதை பாத்துட்டு ஆகிடாதிங்க டர்ர்ர்....

தானே தாங்கிய தானை தலைவர்

சென்னையில் மே 20 டிஸ்கவரி புக் பேலசில் நடைபெறும் யூத் பதிவர் சந்திப்பில் கலந்து கொள்ளும் என்னை வரவேற்று தானே தாங்கிய தானைத்தலைவர் என ஐந்து பேர் கொண்ட குழு அமைத்து அடைமொழி வைத்து பேனர்கள் தயாராகி வருவதாக காற்றுவாக்கில் வரும் தகவல்கள் தெரிவிக்கின்றன.கடந்த ஆண்டை விட இந்த ஆண்டு நிறைய பதிவர்கள்சென்னை மட்டுமல்லாமல்,பிற ஊர்களில் இருந்தும் வருவது மகிழ்ச்சி,சந்திப்போம் (அப்புறம் அந்த பேனர்,பேனர் மறந்துடாதிங்க பொதுக்குழு உறுப்பினர்களே)

சென்னை யூத் பதிவர் சந்திப்பு – சிறப்பு விருந்தினர்கள்

பதிவர் சந்திப்பு

மேலும் வாசிக்க "பல"சரக்கு"கடை - 7(18/05/2012)"

	Tweet

பல"சரக்கு"கடை - 3(27/02/2012)

டமாலுக்கா அடி டுமீலுக்கா... 

                          

                                              அம்பதுரூவா புல்லட் அதுவும் என் செலவுல முடிஞ்சுடுச்சு.

வங்கிக்கொள்ளையர்களின் என்கவுண்டர் சம்பவம் அஞ்சாதே பட கிளைமாக்ஸ் காட்சியை நினைவூட்டியது.இதைப்பார்த்து கொள்ளையர்கள் கொஞ்ச நாளைக்காவது டர்ர்ராகிப்போவார்கள் என்பதில் சந்தேகமில்லை.கொள்ளையர்களைக் கண்டுபிடிப்பதும் பணத்தை மீட்பதும் நோக்கம் என்றால் எல்லோரையும் சுட்டுக்கொன்றதால் அடுத்தகட்ட விசாரணையில் தொய்வு ஏற்படுமா?வீரப்பன் என்கவுண்டரில் அவிலா முடிச்சுகளைப்போலவே இங்கும்.

பூனையை மிரட்டி புலியாக்கும் முயற்சியா? 

                                           

தமிழகத்தையே ஆண்டுகொண்டிருக்கும் மின்வெட்டு மக்கள் மனதில் கூடங்குளம் கூடங்குளம் அணுமின் நிலையம் திறந்தால் தான் மின்வெட்டு குறையும் என்று மாயத்தோற்றத்தை உண்டாக்கியிருக்கிறது(அ)உண்டாக்கப்பட்டிருக்கிறது.திருப்பூரில் நடந்த அனைத்து வணிகர்களின் கடையடைப்பு நிகழ்வுகள்,ஆதரவு எதிர்ப்பு இல்லாத நடுத்தரதினர் ஆதரவுப்பக்கம் வருவதை பார்க்க முடிகிறது.

பொங்கி வழிந்த சேரன்

மெருகேற்றிய கர்ணன் ட்ரைலர் வெளியீட்டு விழாவில் சேரனின் சிவாஜிகாதல் ரொம்பவே பொங்கி வழிந்தது.ரீமேக் படங்களின் மீதான கோபம் தெறித்தது.தில் இருந்தா ஏதாவது சிவாஜிப்படத்தை ரீமேக் பண்ணிப்பாருங்கன்னு சவால் விட்டிருக்கார்.அவரது பேச்சில்.தமிழ் திரையுலகுக்கு சிவாஜி நடிப்புப்பிச்சை போட்டிருக்கார்.ஆனா நடிக்கனுமே,என கேட்டிருக்கிறார்.நடிங்கப்பா,அட சினிமாவுலப்பா.

சக்தே இந்தியா

                     

கடந்த ஒலிம்பிக்கில் கலந்து கொள்ள தகுதி பெறாமலே வெளியேறி பணால் ஆனா இந்திய ஹாக்கி அணி இந்த முறை இதுவரை நடந்த தகுத்திச்சுற்றுப்போட்டிகள் எல்லாவற்றிலும் வெற்றி பெற்று எதிர்வரும் ஒலிம்பிக் போட்டிக்கு தகுதி பெற்று எழுச்சி கண்டுள்ளது மகிழ்ச்சி.32 ஆண்டு கால கனவினை நனவாக்க நமது வாழ்த்துகளை சொல்லி வைப்போம்.ஒரு சின்ன வருத்தம் நமது மகளிரணி ஒலிம்பிக்கில் தகுதி பெற முடியாமல் போனது.ஆனால் நல்ல ஆட்டத்தை வெளிப்படுத்தினார்கள்.(சிவகுமார் அண்ணனின் பதிவை பார்க்க )

லண்டன் ஒலிம்பிக்கில் இந்திய ஹாக்கி அணி!!

 மரணமாக அரேங்கேறிய ஒத்திகை   

                               

                                     

பெங்களூருவில் ஒரு தனியார் ஆடை தயாரிப்பு நிறுவனத்தில் நடந்த தீ தடுப்பு ஒத்திகை நடத்திய தீயணைப்புத்துறையினர் அந்நிறுவனத்தில் பணியாற்றிய ஒரு இளம்பெண் அதிகாரியை மாடியில் தீயில் சிக்கியவர்களை காப்பாற்றுவது எப்படி என  demo காட்ட இணையும்படி அழைத்திருக்கிறார்கள்.ஆனால் அவர்கள் demoவுக்கு பயன்படுத்திய கயிறு அறுந்து கீழே விழுந்து அவர் மரணமடைந்திருக்கிறார்.மரணத்தை தடுக்க வேண்டிய ஒத்திகை மரணம் ஏற்படுத்தியிருப்பதும்,தீயணைப்புத்துறை இந்த அளவுக்கு இத்துப்போன உபகரங்களை பயன்படுத்துவதும் அதிர்ச்சியளிக்கிறது.

பார்லிமென்ட் விஞ்ஞானி

டெல்லியில் சமீபத்தில் குண்டு வெடித்தது பற்றி நமது உள்துறை அமைச்சரின் ஸ்டேட்மெண்ட்."டெல்லியில் குண்டு வைத்தவன் நன்கு பயிற்சி பெற்றவன்.அவன் பயங்கர தீவிரவாதியாக இருப்பான்.இதற்க்கு டிவிட்டரில் எனது கமெண்ட்# அவன் கருப்பா பயங்கரமா இருப்பான்.இன்னுமொரு டிவிட்டர் நண்பரின் கமெண்ட் நச்சுன்னு இருந்தது.அது" செ. செந்தில்குமார் ‏ @SeSenthilkumar

• ·

#சேட்டு கடையில அடகு வைத்தவன் பயங்கர ஏழையா இருப்பான். போயா யோவ்!

பல "சரக்கு"கடை 2

பல"சரக்கு"கடை - 1 

மேலும் வாசிக்க "பல"சரக்கு"கடை - 3(27/02/2012)"

	Tweet

இவங்கள தெரியுதா?

நமக்கு எப்பவுமே கொஞ்சம் ஞாபகமறதி அதிகம்ங்க!

இவங்களெல்லாம் எங்கயோ பார்த்த மாதிரி இருக்கா?ஆமாங்க.ஒரு காலத்துல பத்திரிக்கைகளுக்கு தீனி போட்டவங்க இவங்க!இப்ப மறந்திருப்போம்

எங்கே கண்டுபிடிங்க பார்க்கலாம்?

 ஒரு கிலோ தங்கமாம்-ஒரு வேலை சைக்கிள் கடையில் வேலை பாத்திருப்பாரோ?அதே ஞாபகத்துல சைக்கிள் செயின தங்கத்துல செஞ்சு மாட்டிக்கிட்டாருன்னு நினைக்கிறேன்.

 ஏம்மா!அந்த போலிஸ் உனக்கு எத்தனாவது
ம்.ஐந்ஜாவது!

மோசடியில் "முத்திரை "பதித்தவர்

ஏம்மா!உன்கிட்டகஞ்சா இருக்க இல்லையா?
தெரியலையே!டொன்ட டொன்ட டொன்ட டொயின்.

ஒரு ஊரே செத்துக்கிட்டு இருக்க காரணமானவர காபந்து பண்ணி அனுபிருக்காங்கையா!ஆனா இப்ப ? அவங்க இந்த மூணு பேர தூக்குல போட சொல்லி உண்ணாவிரதம் இருக்கராங்கலாம்.அடங்க!என்னங்கடா உங்க நியாயம்?

சந்தானம் மணக்குது,தந்தமெல்லாம் ஜொலிக்குது,மரணமோ மர்மமா இருக்குது!

குண்டு ஒண்ணு வைச்சிருக்கேன்!

மாட்டுக்கு தண்ணி காட்டுனியா?
நாட்டுக்கே தண்ணி காமிச்சுட்டேன்!

அண்ணாச்சி-அக்காச்சி உங்க கதை என்னாச்சி?

எப்படிங்க இவ்ளோ பற்றிய வீடு கட்டுநிங்க?

அதோ அங்கே ஒரு பாலம் தெரியுதுதா?

இல்லையே!

அத வைச்சு கட்டுனதுதான்.

மங்களம் உண்டாகட்டும்'ங்கரத தப்பாபுரிஞ்சுகிட்டு அதை செஞ்சுட்டு இப்ப மலைஏறிட்டார்!

எனக்கு இன்னொரு சந்தேகம்.இந்த மறந்து போனவங்க லிஸ்ட்ல கூடிய சீக்கிரம் இவங்களும் வந்துடுவாங்களோ?

இவங்க சிரிக்கறத பாத்தா அப்படிதான் தெரியுது.

என்னங்க எல்லாரையும் கண்டுபுடிச்சிட்டிங்களா?

நன்றி-படங்கள் வழங்கிய இணையங்களுக்கு!

மேலும் வாசிக்க "இவங்கள தெரியுதா?"

	Tweet

முக்கியச்செய்திகள்!!!

காஷ்மீர் அமைதி பேச்சுவார்த்தைக்கு தயார்

பாகிஸ்தான் பிரதமர் அறிவிப்பு

காவிரியில் தண்ணீர் விட முடியாது

கர்நாடக முதல்வர் திட்டவட்டம்!

அறவே ஒழித்து கட்டுவோம் தீவிரவாதத்தை

அமெரிக்க அதிபர் பேட்டி!

இந்தியா வல்லரசாகப்போவது உறுதி

பாராளுமன்றத்தில் பிரதமர் பேச்சு!

நதிநீர் இணைப்பு திட்டம் விரைவில் நிறைவேறும்

உள்துறை அமைச்சர் உறுதி!

மேலும் ஒரு போலிச்சாமியார்

மோசடி வழக்கில் கைது!

நிதி நிறுவன அதிபர் தலைமறைவு

பணம் கட்டியவர்கள் கதறல்!

நாங்கள் நட்பாகத்தான் பழகுகிறோம்

பிரபல நடிகை விளக்கம்!

நாங்கள் ஆட்சிக்கு வந்தால் மின்வெட்டே இருக்காது

எதிர்க்கட்சித்தலைவர் அறைகூவல்!


அந்த ஊழலுக்கும் எங்களுக்கு சம்பந்தமே இல்லை
ஆளும்கட்சி அமைச்சர் திட்டவட்டம்!


தமிழ் சினிலாவுல இப்படி ஒரு கதை வந்ததில்ல
அறிமுக இயக்குனர் அதிரடி பேட்டி!

;
;
;
;

நாளை புத்தாண்டு(2050)

தலைவர்கள் வாழ்த்து!!!!




(உங்களுக்கும் இப்பவே புத்தாண்டு வாழ்த்துங்கோ!)


_____________________________________________________________________________________________


கடந்த பதிவை தவற விட்டவர்களுக்கு;


வாச்சாத்தி-வன்மத்தின் உச்சம்,வலியின் எச்சம்
______________________________________________________________________________________________

மேலும் வாசிக்க "முக்கியச்செய்திகள்!!!"

	Tweet