இப்படி நன்றி செய்வாயோ?

பிறந்த போது

பேருவகை அடைந்த

தந்தையை

எத்தனையோ இரவுகளில்

தூங்க விடாமல்

தவழ்ந்து நடக்கையில்

அசந்த சமயங்களில்

அடிக்கடி சாலைக்கு ஓடி

பிள்ளையை பத்திரமா பாத்துக்குங்க

என பலரையும் பேச வைத்து

ஓடி விளையாடுகையில்

அக்கம் பக்கம்

வீடுகளின்

கண்ணாடிகளை உடைத்து

என்னய்யா பிள்ளை வளத்துருக்க

என எல்லோரையும்

ஏச வைத்து

சரியாப்படிக்கல என

ஆசிரியர் புகார் கூற

அடுத்த தேர்விலே

முதலாவதா வந்து

அவராலே

பாராட்டப்பெற்று

கல்லூரிக்காலங்களில்

கனவுகளில்

சுற்றித்திரிந்து

கேளிக்கைகளில் கலந்து

மனம் கலங்கச்செய்து

படித்து முடித்து

பணிக்கு என்ன செய்வாயோ

என்றெண்ணிய போது

ஏதோ எனக்கு புரியாத

வேலை ஒன்றை சொல்லி

கை நிறைய சம்பளம்

சொந்தக்காலில் நிற்கும் தைரியம்

வந்ததாக சொல்லி

திருமணத்திற்கு

பொருத்தமான இணை

தேடி அலைய

உங்களுக்கேன் சிரமம்

நானே பார்த்து விட்டேன்

என சொல்லி

இப்படியெல்லாம் எனக்கு

நன்றி செய்தாய்

நாளை நான்

படுத்த படுக்கையாக

கிடக்கையில்

மருந்து

வாங்கி வரச்சொன்னால்

பிசியா இருக்கேன்

மறந்துட்டேன்னு

சொல்லி

நன்றி காட்டுவாயோ? 

புகைப்படங்கள் உதவி-நண்பன் -மாதேஷ்!

________________________________________________________________________________

பின் குறிப்பு--

கடந்த எனக்குள் நான் பதிவை தொடர் பதிவாக எழுத அழைக்கலாம் என நண்பர்கள் கேட்டிருந்தால் நண்பர் சம்பத்குமாரையும்(தமிழ் பேரன்ட்ஸ்), பதிவுலகப்புயல் நாஞ்சில் மனோ அவர்களையும்,மாயம் புரியும் மாயஉலகம் ராஜேஷ் அவர்களையும் அன்போடு அழைக்கிறேன்.நிச்சயம் இசைந்து கொடுப்பீர்கள் என்ற நம்பிக்கையோடு.நன்றி!
__________________________________________________________________________________

	Tweet