முதல்ல கைய குடுங்க அம்மா!!

இது எனது முந்தைய பதிவுக்கு நானே எழுதும் எதிர் பதிவு இது(உனக்கெல்லாம் வேற யார் எதிர்பதிவு போடுவாங்க!நீயே போட்டுகிட்டாதான் உண்டு!—உங்க மைன்ட் வாய்ச கேட்ச் பண்ணிட்டேன்!)எனது முந்தைய பதிவில்  இப்படி கைய விரிச்சுட்டீங்களே அம்மா!!!(கிளிக்கவும்)என  தூக்கு தண்டனை விசயத்திலும் இந்த வழக்கைப்பற்றியும் மாறி மாறி பேசி வருவதை சுட்டிக்காட்டியிருந்தேன்.

இந்த முறையும் மாற்றித்தான் பேசியிருக்கிறார்.ஆனால் இது நல்லமாற்றம்!வரவேற்கத்தக்க மாற்றம்!போராடிய அனைவரும் எதிர்பார்த்த மாற்றம்!மனித நேயம் கொண்ட அனைவரும் முகமலர்ந்து போற்றும் மாற்றம்!மாற்றத்திற்கு காரணம் எதுவாய் இருந்தாலும்(உள்ளாட்சி தேர்தலாய் இருந்தாலும்)அதையெல்லாம் ஆராயாமல் எல்லோரும் அம்மாவுக்கு கை கொடுப்போம்!அம்மாவுக்கு ஒரு ராயல் சல்யூட்!

திரும்பவும் வேதாளம் முருங்கை மரத்துல ஏறாம இருந்தா சரி!

ஆனால் அம்மா ஒரே ஒரு உறுத்தல் இந்த முடிவ ஒரு ரெண்டு நாள் முன்னாடி எடுத்திருந்தீங்கன்னா செங்கொடி என்ற துடிப்பான தோழரை இந்த தமிழகம் இழந்திருக்காது!பலரும் சொல்லிவிட்டார்கள்.என்பங்குக்கு நானும் சொல்கிறேன் .தோழர்களே!உணர்வுத்தீயை நெஞ்சில் மட்டும் ஊற்றுவோம்!இன்னொரு முத்துக்குமார்,செங்கொடியின் முடிவை யாரும் எடுக்கவேண்டாம்!

இந்த தண்டனையை எதிர்த்து போராடி,உண்ணாவிரதமிருந்தோர்,சமூக வலைதளங்களில் குரல் கொடுத்தோர்,பிற நாடுகளில் இருந்து ஆதரவு தந்தோர்,, அரசியல் தலைவர்கள் (அரசியல் நோக்கம் உள்ளே இருந்தாலும்,) அனைவருக்கும் நன்றிகள்!

அப்பறம் போன பதிவில், முத்துக்குமார் யார் என்று  ஈ.வி.கே.எஸ்.ஒரு முறை கேட்டிருந்தார்.அது போல செங்கொடி யார் என காங்கிரஸ் காரர்கள் யாரும் கேட்க்க வேண்டாமென வேண்டுகோள் விடுத்திருந்தேன்,ம்ம்ம்ஹூம் இளங்கோவன் இன்னும் திருந்தியிருப்பதாக தெரியவில்லை.புதிய தலைமுறை செய்தி டி.வியில் சொல்றார்.தண்டனை தள்ளி வைக்கப்பட்டிருக்கிரதே தவிர நிறுத்தி வைக்கப்படவில்லை.நிச்சயம் தூக்கில் போட்டே ஆகணும் என்று.இவருக்கு தேர்தல்ல போட்டது பத்தாது போல இருக்கு.இவருக்கு இன்னும் நல்லா போடணும்.ஈரோட்டுப்பெரியவருக்கு இருந்ததில் பாதி கூட அவர் பேரனுக்கு  இல்லாமல் போனது தான் வருத்தமளிக்கிறது!

என்ன கேக்குறிங்க கலைஞர் பத்தியா?நோ கமெண்ட்ஸ்!!

இன்னொரு விஷயம்!

பிள்ளையார் சதுர்த்தியை நல்லபடியா கொண்டாடுவோம்!களிமண்ணுல செய்த பிள்ளையாரை மட்டும் வைச்சு வழிபடுவோம்!(என் தலைல இருக்கறதான்னு நீங்க கேக்குறதை வன்மையா கண்டிக்கிறேன்!)பிள்ளையார கடல்ல கரைக்குரேன் பேர்வழின்னு போட்டு டமால் டமால் ன்னு சாத்த வேண்டாம்!பாவம் அவர்! அனைவருக்கும் வாழ்த்துக்கள்!




புகைப்படம் உதவி-நண்பன் மாதேஷ்(முதல்)&சில இணையங்கள்.

	Tweet