எல்லாம் செய்யும் இந்த ________காதல்!!!

ஊனை உருக்கும்

உயிரைக் கரைக்கும்

காலம் மறக்கும்

காத்திருக்கச் சொல்லும்

உறக்கம் அகலும்

உணவு கசக்கும்

கவிதை எழுதச் சொல்லும்

கனவு காணச் சொல்லும்

ஹார்மோன்களைத்

தூண்டிவிட்டு

ஹார்மோனியம் வாசிக்க விட்டு

வேடிக்கை பார்க்கும்

தனிமை பிடிக்கும்

தானாய்ப் பேச வைக்கும்

சிந்திக்க வைக்கும்

சிறகு முளைக்கும்

எதுவுமே இல்லாமல்

ஏதேதோ எண்ணச்சொல்லும்

ஒன்றுமே இல்லாமல்

ஒரு மணிநேரம் கூட பேசச் சொல்லும்

இவை எல்லாம் செய்யும் இந்த_______________ காதல்

டிஸ்கி-எனக்கு போதிய அனுபவம் இல்லாததால் கோடிட்ட இடத்தை தாங்களே நிரப்பிக்கொள்ளுமாறு கேட்டுக்கொள்கிறேன்.(அப்பா தப்பிச்சுட்டேன்)

	Tweet