Thursday, December 29, 2011

ஒரு சொட்டு தண்ணீர்,சில துளி பெட்ரோல்,சில மணித்துளி மின்சாரம்.....



இப்போ சொல்லப்போற சில விஷயங்கள்,அந்நியன் படத்துல விக்ரம் (ஷங்கர்,சுஜாதா மூலமா)சொன்னது போல இருக்கும்.நம்ம ஒவ்வொருதருக்குள்ளும் ஒரு அந்நியன் ஒளிஞ்சுக்கிட்டு இருக்கான்.ஆனா எப்பவும் தூங்கிக்கிட்டே இருப்பான்.அவன அப்பப்ப சோடாவோ,பச்சைத்தண்ணியோ எது கிடைக்குதோ அதை தெளிச்சு எழுப்பலாம்னு ஒரு முயற்சி.ஆனா ஒரு சின்ன மாற்றம் அன்னியன் மாதிரி நினைக்கணும் அம்பி மாதிரி  செயல்படனும்.


விசயத்துக்கு வருவோம். பல நேரங்கள்ல சாப்பிட போகும் போதோ,இல்ல மத்த நேரங்கள்ல கை கழுவுற சமயங்கள்ல என்ன பண்றோம்,தண்ணியை தொறந்து விட்டுட்டு கைய நனைச்சிட்டு சோப்பு போட்டு தேய்க்குறவரைக்கும் தண்ணி அது வாக்குல போய்க்கிட்டே இருக்கும்.கையை நனைச்சிட்டு சோப்பு போடுறவரைக்கும் தண்ணியை நிறுத்தலாமே!ஒரு அரை லிட்டர் தண்ணி மிச்சமானாலும்.............
இதே மாதிரி தண்ணி கசிவு இருக்குற பைப் ஏதாவது இருந்தா உடனடியா சரிசெய்வதும் பல லிட்டர் தண்ணீர் மிச்சப்படுத்தும்(யோவ் மெட்ராஸ் மாதிரி ஊருல தண்ணி கிடைக்குறதே கஷ்டமா இருக்கு இதுல நாங்க ஏங்க வீணாக்க போறோம்னு கொஞ்சம் பேரு கேக்குறாங்க போல)
 இது ஒரு சின்ன உதாரணம் இதைப்போல பல தருணங்களில்(காய்கறி கழுவுகையில்,பிரஷ் பண்ணும் போது), பல அரை லிட்டர்கள் வீணாவதை தவிர்க்கமுடியும்.முடியுமா?


அப்புறம் மின்சாரம்.இல்லாத விசயத்த பத்தி என்ன பேச்சு அப்படிங்கறீங்களா? அது தெரிஞ்ச விஷயம் தானே.சரி இருக்கறப்போ என்ன பண்ணலாம்.முக்கியமா வீட்டுல ஏதாவது குண்டு பல்ப் இருந்தா அதுக்கு குட்பை சொல்லுவோம்.இது மின்சார சிக்கனத்துக்கு மட்டுமில்ல உலக வெப்பமாதல் குறையவும் நிறைய உதவும்.பிளான் பண்ணி எலக்ட்ரானிக்ஸ் சாதனங்களை பயன்படுத்தினாலே இன்னும் கொஞ்சம் மின்சார செலவு கொறையும்.(இன்னும் கொஞ்ச நாள்ல கரண்ட் சார்ஜ் உயர்த்தப்படும் போது ஆட்டோமேட்டிக்கா கொறையும்னு நினைக்கிறேன்)முக்கியமா ஏ.சியை சில்லுன்னு வைச்சு யூஸ் பண்ணாம 27-29 டிகிரி செல்சியஸ்ல பயன்படுத்துறது நல்லது(உடம்புக்கும்).

இன்னொரு கவனிக்க வேண்டிய விஷயம் பெட்ரோலியபொருட்கள், பெட்ரோல்,டீசல்,சமையல் கேஸ் தவிர நாம தினமும் பயன்படுத்துற நிறைய பொருட்கள் பெட்ரோலியத்தோட வழித்தோன்றல்கள் தான்( by products)கிட்டத்தட்ட 5000 க்கும் மேல. http://www.ranken-energy.com/Products%20from%20Petroleum.htm (இந்த லின்க்ல பாத்தா தெரியும்).இந்த எல்லா பொருட்களையும் தேர்ந்தெடுத்து யூஸ் பண்றத குறைப்பது கஷ்டமான விஷயம்,நேரடியா நம்மால முடிஞ்சா அளவு சிக்னல்ல நிக்கும் போது என்ஜின் ஆஃப் பண்றது,தேவையில்லாம வண்டி எடுத்துக்கிட்டு சுத்துறத தவிர்க்கறது,திட்டமிட்ட பயணம்,குழுவா பயணிக்கறது,இது போல செய்யலாம்.இதே மாதிரி சமையல் கியாஸ் பயன்படுத்தும் போதும் திட்டமிட்டு செஞ்சா நிறைய மிச்சப்படுத்தலாம்.கியாஸ் மிச்சப்படுத்த சில டிப்ஸ்(கிளிக்கவும்)


இப்படியெல்லாம் பண்ணா எனக்கு என்ன பயன் அப்படின்னு கேக்குறவங்களுக்கு-இந்த உலகத்தின் கடைசி துளி தண்ணீர் ,கடைசி சொட்டு பெட்ரோல்,கடைசி மணித்துளி மின்சாரம் நீங்க மிச்சப்படுத்தியதா இருக்கும்.அந்த பெருமை உங்களுக்குத்தான்.புது வருஷம் வேற பொறக்கப்போகுது,இந்த வருசத்துல இத செஞ்சு பாக்கலாமா?


மேலும் வாசிக்க "ஒரு சொட்டு தண்ணீர்,சில துளி பெட்ரோல்,சில மணித்துளி மின்சாரம்....."

Monday, December 26, 2011

எமனின் பினாமியான சுனாமி...



ரயில், மலை,கடல் இம்மூன்றும்
ரசிக்க ரசிக்க அலுக்காதென்பர்
ஆனால் இதை விடுத்து
வெறுக்கத்தக்க இடத்தில்
முதலாவதாய் கடல் வந்து நின்றது ஏனோ?



பொறுமைக்கு உதாரணமாய்
பூமித்தாயே உனைத்தானே சொல்வார்கள்
பூமித்தாயே!நீ கடல்தாயோடு
கைகோர்த்துக்கொண்டு
சுனாமி அலைகளை
எமனின் பினாமியாய் அனுப்பி
அரங்கேற்றிய திருவிளையாடலில்
அழிந்து போனது உன் பிள்ளைகளே!
அதிலும் என்ன பாவம் செய்தன
அலையில் கால் நனைத்து
சிரித்து விளையாடி மகிழ்ந்து திரிந்த
சின்னஞ்சிறு பிஞ்சுகள்?


கோழி மிதித்து குஞ்சு முடமான
கொடுமை நிகழ்ந்தது உன் அரங்கேற்றதால்!
உப்பிட்டவரை உள்ளளவும் நினைஎன்பர்
உப்பிட்ட நீயே
உயிர்க்கொல்லியாக மாறினாய்
உன்னை எப்படி உள்ளளவும் நினைக்க?
உன் நடன அரங்கேற்றத்திற்கு மேடையாக
எங்கள் வாழ்க்கையா கிடைத்தது?
நீ என்ன கோபத்தில் கொப்பளித்தாயோ?
உன் மீது எங்கள் கோபம் கொப்பளிக்க செய்து விட்டாய்

என்ன சொல்லி தேற்றப்போகிறாய்?
ஏதுமறியாமல் என்ன செய்வதென்று புரியாமல்
உறவிழந்து உடமையிழந்து
உருகி நிற்கும் உன் பிள்ளைகளை?
நீ தேற்றுவதால் ஒன்றும் ஆகப்போவதில்லை
வருங்காலத்தில் உனது ஆட்டம் தொடராமல்
வங்கத்தாய் என சொல்லும் உன் பிள்ளைகளின்

வார்த்தையை காப்பாற்று அதுவே போதும்!





மேலும் வாசிக்க "எமனின் பினாமியான சுனாமி..."

Friday, December 23, 2011

மனசாட்சியுடன் ஒரு பயணம்.......



திரும்பிப்பார்த்தல் என்பது ஒரு சுகானுபவம்.இந்த வருடம் நான் கடந்து 
வந்தவற்றை திரும்பிப்பார்க்க எண்ணிய போது எனது மனசாட்சி நானும் 
கூட வருவேன் என்றது,சற்றே பயத்துடன் சரி வா போலாம்னு கூட்டிக்கிட்டு கிளம்புறேன்.

இனி நானும் எனது மனசாட்சியும்.
                        ( நன்றி -http://www.kalachuvadu.com/ )
முதலில் இந்த திரும்பிப்பார்த்தலுக்கு வாய்ப்பளித்து என்னை எழுத அழைத்த நண்பர் மயிலிறகு மயிலன் அவர்களுக்கு நன்றி(திரும்பிப்பார்க்க வாய்பளிச்சதுக்கா இல்ல ஒரு பதிவு தேத்த வாய்ப்பளிச்சதுக்கா?) போன வருஷ கடைசில புது கம்பெனிக்கு மாறினதுனால இந்த வருஷ முதல் நாள் முன்பு இருந்த இடத்துக்கு (காரைக்கால்) போய் நண்பர்கள் வீட்டுக்கு,அப்புறம்,தங்கிருந்த வீட்டுக்கு போய் ஓனருக்கு ஸ்வீட் கொடுத்து, (ஸ்வீட்டுன்னு மொட்டையா சொன்னா எப்படி அல்வா குடுத்தேன்னு தெளிவா சொல்லு,அப்புறம் கொஞ்சூண்டு ஸ்வீட் கொடுத்துட்டு நீ முழுங்கிட்டு வந்ததையும் சொல்லு)  நண்பர்களோட மன்மதன் அம்பு படம் பாத்து(ஓசியில)ஆரம்பமானது இந்த வருஷம்.

அப்புறம் கொஞ்ச நாள்ல பொங்கல்(அது யாருக்கும் தெரியாது பாரு)சொந்த ஊர்ல செம கொண்டாட்டம்(ஆமா இவரு பொங்க வைச்சு,அஞ்சாறு மாடு புடிச்சு கிழிச்சாரு).பிறகு நண்பர்களோட ஒரு நாள் மகாபலிபுரம் ஜாலி பயணம்(எந்த அளவுக்கு ஜாலின்னு சொல்லு.)

இந்த வருஷம் இன்னொரு சந்தோஷ நிகழ்ச்சி.என் மடியில அக்கா பொண்ண உக்கார வைச்சு மொட்டையடிச்சு காது குத்தினது.(டேய் பாவம் அந்த பச்ச புள்ள அந்த கத்து கத்தி அவஸ்தைபட்டது உனக்கு சந்தோசமா? அதுக்கப்புறம் வீட்டுக்கு போனப்போ பயந்துக்கிட்டு உன்கிட்ட வரவேயில்லையே அத சொல்லு).

மனசை ரொம்ப பாதிச்ச விஷயம் என் சித்தி ஒருத்தவங்க உடல் நலம் சரியில்லாம இறந்துட்டாங்க.ரொம்ப வயசும் கிடையாது.எங்க மேல ரொம்ப ப்ரியமா இருப்பாங்க.(கவலைப்படாதடா,காலம் மனக்காயங்களுக்கு நல்ல தீர்வு தரும்)
                                            நன்றி-http://www.kalachuvadu.com/

இந்த வருஷம் வாங்கினதுல மறக்க முடியாதது கணினி.(இருக்காதா பின்னே அதுக்கப்புறம் தானே பிளாக் எழுத ஆரம்பிச்சு என்னை தூங்க விடாம தொந்தரவு பண்ண ஆரம்பிச்ச).அப்புறம் கொஞ்சம் புத்தகங்கள்(வாங்கி மட்டும் தான் இருக்கேன்னு தெளிவா சொல்லிடு.பெரிய படிப்பாளின்னு சீன போடாதே).ரொம்ப நாளா படிக்கணும்னு நினைச்சுகிட்டு இருந்த பொன்னியின் செல்வன் இப்போதான் வாங்கியிருக்கேன்(இனிமேலும் நினைச்சுக்கிட்டு இருக்காம படி).



இந்த வருஷம் நிறைய நண்பர்களோட ,உறவினர்களோட திருமணங்கள்ல கலந்துக்க நிறைய பயணம் காரைக்கால்,நாகர்கோவில்,முசிறி,ஆத்தூர்,நாமக்கல்,திண்டிவனம் இப்படி நிறைய ஊர்.அப்புறம் சுற்றுலாவா வயநாடு,கொச்சின்,அதரப்பள்ளி அருவி இங்கெல்லாம் நண்பர்களோட..( நல்லா கம்பெனியில பொய் சொல்லிட்டு ஊர் ஊரா சுத்தறத்துக்கு பேரு தான் பயணமா?அவ்வ்வ்வ்).




இந்த வருஷம் மறக்க முடியாத நிகழ்வுன்னா நான் பிளாக் எழுத ஆரம்பிச்சதுதான்.தற்செயலா நண்பன் மூலமா பதிவுலக அறிமுகம் கிடைச்சு இப்போ நூறு பதிவுகளை கடந்து, நிறைய நண்பர்களை அறிமுகப்படுத்தியது இந்த வருஷம் தான்.யூத் பதிவர் சந்திப்பில் கலந்து கொண்டு நானும் யூத் பதிவர் என காட்டியாச்சு.ஈரோடு சந்திப்பில் கலந்து கொள்ள முடிய வில்லை என்ற வருத்தமிருக்கிறது(ம்.போயிருக்கலாமில்ல அன்னைக்கு என்னத்த வெட்டி முறிச்ச?அதுவுமில்லாம ரெண்டு மூணு பதிவு தேத்தியிருக்கலாமில்ல(ஹி ஹி)).நிறைய பேரை சந்திக்கும் வாய்ப்பை இழந்தாச்சு.( ஃப்ரீயா விடு அடுத்த வருஷம் ஜமாச்சுடலாம்)




அப்புறம் புது வருசத்துல என்ன பண்ணனும்னா( டேய் இரு இரு இந்த வருஷம் என்ன கிழிச்சிருக்க).அட இரப்பா ஊடால ஊடால கரைச்சல கொடுத்துக்கிட்டு அதைத்தான் சொல்ல வந்தேன்.இந்த வருஷம் என்னென்ன பண்ணனும்மு எதுவும் முடிவு பண்ணல.செய்யவும் இல்ல.புது வருஷம் ஏதாவது நடக்குதான்னு பாப்போம்.அனைவருக்கும் வாழ்த்து சொல்லி(டேய் இரு இரு நான் இன்னும் நிறைய பேசணும்) விடை பெறுகிறேன்( நான் இன்னும் சொல்ல வேண்டியது...........................)வணக்கம்.

ஸ்ஸ்ஸ்பா இந்த மனசாட்சியை இதுக்கு தான் பேசவே விடுறதில்ல.எவ்வளவு டிஸ்டபென்ஸ் பண்றான் ராஸ்கல்...


நட்புடன்,
ம.கோகுல்.
மேலும் வாசிக்க "மனசாட்சியுடன் ஒரு பயணம்......."

Thursday, December 22, 2011

ஒருவேளை கனவு நனவானால்?


நந்தன் நிலெக்கணி (Nandan Nilekani)அவர்களின் கனவான தேசிய 
அடையாள அட்டை நடைமுறைக்கு வந்தால்.............எனக்கு வந்த ஒரு 
மெயிலின் நகைச்சுவை தமிழாக்கம்,

டெலிபோன் ஆபரேட்டர்: வணக்கம் சார் எங்கள் PIZZA HUT –க்கு அழைத்ததற்கு நன்றி,நான் உங்களுக்கு எப்படி ...............?

வாடிக்கையாளர்: ஹல்லோ...நான் ஆர்டர் பண்ண......
டெலிபோன் ஆபரேட்டர்:சார்,நான் உங்க MULTI PURPOSE ID CARD நெம்பர் தெரிஞ்சுக்கலாமா?

வாடிக்கையாளர்: அது வந்து.ம்ம்ம்.,ஒரு நிமிஷம் இருங்க.ஆங்-894859 12594 -1259934 -546.

டெலிபோன் ஆபரேட்டர்: ஹலோ குமார்,நீங்க 18,வது குறுக்குச்சந்து,நாலாவது தெரு,டுபாக்கூர் பேட்டைல இருந்து பேசுறிங்க நீங்க பேசுற நெ.22XXXXX0,நீங்க ஒரு மொபைல் வச்சிருக்கீங்க அதோட நெ.09XXXX XXXX1.

வாடிக்கையாளர்: வாவ்,எப்படிங்க தெரிஞ்சுது,உங்களுக்கு?
டெலிபோன் ஆபரேட்டர்: நாங்க உங்க ID CARD சிஸ்டத்தில இணைஞ்சுருக்கோம் சார்.

வாடிக்கையாளர்: ஓ!பரவாயில்லையே!நல்ல டெக்னாலஜி டெவலப்மெண்ட்,
ஓகே. பீட்சா ஆர்டர் பண்ணத்தான் இப்போ கூப்பிட்டேன்..

டெலிபோன் ஆபரேட்டர்: சொல்லுங்க சார்,என்ன பீட்சா
வாடிக்கையாளர்: ம்.sea food pizza இருக்கா உங்க கிட்ட?

டெலிபோன் ஆபரேட்டர்: இருக்கு சார் ஆனா அதை உங்களுக்கு ஒத்து வராதுசார்.

வாடிக்கையாளர்: (இவன் என்ன நமக்கு ஒத்து வராதுன்னு சொல்றது) ஏங்க நான் ஆர்டர் பண்றத குடுக்க வேண்டியது தான,என்ன குறுக்க குறுக்க பேசிக்கிட்டு.

டெலிபோன் ஆபரேட்டர்: சார்,உங்க மெடிக்கல் ரெக்கார்ட்ஸ் படி உங்களுக்கு high bp, கொலஸ்ட்ரால் எல்லாம் இருக்கு சார் அதனால இது உங்களுக்கு ஒத்து வராது சார்.

வாடிக்கையாளர்: (கொய்யால வாய்க்கு ருசியா பொண்டாட்டிக்கு தெரியாம சாப்பிடலாம்னு பாத்தா இவனே போட்டு குடுத்துடுவான் போல)வேற என்ன ஆர்டர் பண்ண?(நாம சாப்பிடறதுக்கு இவன ஐடியா கேக்க வேண்டியதா போச்சே)

டெலிபோன் ஆபரேட்டர்:  எங்களோட லோ ஃபேட்(LOW FAT PIZZA) பீட்ஸா ட்ரை பண்ணுங்களேன்.அது உங்களுக்கு ரொம்ப பிடிக்கும்.

வாடிக்கையாளர்: அது எப்படி அவ்வளவு உறுதியா சொல்றீங்க..(இவன் இன்னைக்கு ஒரு முடிவில தான் இருப்பான் போலிருக்கு)

டெலிபோன் ஆபரேட்டர்: போன வாரம் கொழுப்பற்ற உணவுகள் அப்படிங்கற ஒரு புத்தகம் வாங்கியிருக்கீங்க.உங்க கிரடிட் கார்ட் யூஸ் பண்ணி.,

வாடிக்கையாளர்: (என்னடா இவன் போன வாரம் குவார்ட்டர் அடிச்சுட்டு குப்புற கிடந்தத கூட சொல்லுவான் போலிருக்கு..) ஹி ஹி ஆமாங்க மறந்துட்டேன்,அப்ப சரி அதிலையே ஒரு மூணு FAMILY SIZE கொண்டு வந்துடுங்க.,பணம் எவ்வளவு?

டெலிபோன் ஆபரேட்டர்: சரியான தேர்வு. அஞ்சு பேர் இருக்குற உங்க வீட்டுக்கு இது போதுமானது. மொத்தம் RS.500 ஆகுது சார்.

வாடிக்கையாளர்: கிரெடிட் கார்ட்ல PAY பண்ணிடவா?

டெலிபோன் ஆபரேட்டர்: இல்ல சார்,பணமாவே கொடுத்துடுங்க.உங்க கிரடிட் கார்ட் இந்த மாசம் லிமிட் தாண்டிடுச்சு.அது மட்டுமில்லாம,அதுல நீங்க செலுத்த வேண்டிய ஹவுசிங் லோன் இன்னும் பாக்கியிருக்கு.

வாடிக்கையாளர்: (நல்ல சொல்றாங்கையா டீடெயில்லு).சரி அப்படின்னா நான் இப்பவே பக்கத்துல இருக்கற ATM போய் பணம் எடுத்துட்டு வரேன்.

டெலிபோன் ஆபரேட்டர்: அது முடியாது சார்.உங்க அக்கவுண்டோட இன்னைய WITHDRAWAL LIMIT தாண்டியாச்சு.

வாடிக்கையாளர் ; ( அடங்க.,எல்லாப்பக்கமும் அணை கட்டுரானே?) சரி விடுங்க என்கிட்டே பணம் இருக்கு .தரேன்.டெலிவரி ஆக எவ்வளவு நேரம் ஆகும்.

டெலிபோன் ஆபரேட்டர்: 45- நிமிசத்துக்குள்ள வந்து சேந்த்துடும் சார்.உங்களுக்கு வெயிட் பண்ண விருப்பமில்லைன்னா உங்களோட MARUTHI SWIFT எடுத்துக்கிட்டு வந்து வாங்கிக்கலாம் சார்.

வாடிக்கையாளர் : என்னாது?

டெலிபோன் ஆபரேட்டர்:ஆமா சார் .ஏங்க சிஸ்டம் சொல்லுது நீங்க ஒரு MARUTHI SWIFT வைச்சிருக்கீங்க அதோட நெ.TN 00 AA XXX5.`

வாடிக்கையாளர் : (Ssssssssssss ப்பா இனிமே தாங்காதுடா சாமி)
டெலிபோன் ஆபரேட்டர்: வேற ஏதாவது தகவல் வேணுமா சார் ?

வாடிக்கையாளர் : விளம்பரத்துல இருக்கறமாதிரி கோக் free தான?

டெலிபோன் ஆபரேட்டர்: நார்மலா நாங்க கொடுப்போம் சார்,ஆனா உங்க ரெக்கார்ட்ஸ் படி நீங்க டயாபடிக் பேஷண்டா  
இருக்கதறதுனால..........

வாடிக்கையாளர் : போடாங்..*&^%$%Ω$#*@β&%$**&^%¥α....


டெலிபோன் ஆபரேட்டர்: பாத்து பேசுங்க சார்.போன வருஷம் நவம்பர் மாசம்,பத்தாம் தேதி பக்கத்து வீட்டுக்காரரை இது மாதிரி கெட்ட 
வார்த்தையில் திட்டியதாக லோக்கல் ஸ்டேசன்ல உங்க மேல ஒரு கம்ப்ளைன்ட் இருக்கு.

வாடிக்கையாளர் : (போங்கடாங்கொய்யாங்கோ.இவனுக்கு போன் போட்டதுக்கு பதிலா வீட்டுல தேவையில்லாத ஆணிய எல்லாம் புடுங்கியிருக்கலாம் போல.)

டெலிபோன் ஆபரேட்டர்: சார்,நீங்க இப்ப மனசுல என்ன நினைக்கிறீங்கன்னா......
வாடிக்கையாளர்: ..................................................????







அவரு மயங்கி விழுந்ததை நான் சொல்லித்தான் தெரியனுமா?



---நந்தன் நிலெக்கணி பற்றிய தகவலுக்கு கிளிக்கவும்.
மேலும் வாசிக்க "ஒருவேளை கனவு நனவானால்?"

Tuesday, December 20, 2011

உப்புள்ள பண்டமும் குப்பையிலே! இது நியாயமா?


நியூட்டனின் மூன்றாம் விதி எல்லோருக்கும் நல்லா தெரிந்திருக்கும்,ஒவ்வொரு வினைக்கும்(செயலுக்கும்)அதற்கு சமமான எதிர்வினை இருக்கும் என்பதுதான்.நாம ஒரு இடத்துல ஏ.சி போட்டுக்கிட்டு சிலு சிலு ன்னு அனுபவிச்சிக்கிட்டு இருக்கும் அதே நேரத்துல எங்கேயோ நாம் அனுபவிக்கும் குளுமைக்கு ஏற்ப அதே அளவு வெப்பம் உருவாகிக்கிட்டு இருக்கும்.


இது மாதிரி பல விசயங்களை சொல்லலாம்.இன்றைய தேதியில் திருமணம் போன்ற நிகழ்ச்சிகளுக்கு இந்தியாவில் பெருமளவில் பணம் செலவளிக்கப்படுவதாக ஒரு புள்ளிவிபரம் கூறுகிறது.இவ்வாறு செய்வது அவரவர் தனிப்பட்ட விஷயம்.ஆனால் இது போன்ற விழாக்களில் விருந்தின் போது வீணாக்கப்படும் உணவு? எந்த அளவுக்கு உணவு வீணாக்கப்படுகிறதோ,அந்த அளவுக்கு உணவு தேவைப்படும் மக்களுக்கு உணவு மறுக்கப்படுகிறது.என்ன மொட்டைத்தலைக்கும் முழங்காலுக்கும் முடிச்சி போடுற மாதிரி இருக்கா?கொஞ்சம் யோசிச்சு பாருங்க சுத்தி வளைச்சு உண்மை இந்த இடத்தில வந்து நிற்கும்.




பல நிகழ்ச்சிகளின் இன்றைக்கு காணும் சூழல்,விருந்து துவங்கும் முன்பாகவே இலையில் எல்லா பதார்த்தங்களும் வைக்கப்பட்டு விடுகின்றன.அந்த உணவு வகைகள் பிடித்தாலும் சரி,பிடிக்காவிட்டாலும் சரி.அதே போல சில உணவுகள் சிலருக்கு ஒத்துக்கொள்ளாது,ஆனால் அவையும் பரிமாறப்பட்டிருக்கும்.குழந்தைகள் அமரும் இலைகளில் கூட பெரியவர் சாப்பிடும் அளவிற்கு உணவு.


இது எல்லாம் முதல் பந்தியில் தான் அடுத்தடுத்த பந்திகளில் காத்திருந்து தான் உட்காரமுடிகிறது என்று சொன்னாலும்,என்ன பரிமாறப்படுகிறது என பார்ப்பதற்குள் இலையில் வைத்துவிடுவார்கள்.பெரும்பாலான விருந்துகளில் கணிசமான அளவில் நிச்சயமாக உணவுப்பொருட்கள் வீணாகிறது.விருந்துகளில் தான் என்று மட்டுமல்ல ஹோட்டல்களில் சாப்பிடும் போதும் அளவுக்கதிகமாக ஆர்டர் செய்தது விட்டு பாதி சாப்பிட்ட்ப்போவது அல்லது சிலர் வேண்டுமென்றே சாப்பிடாமல் பாதி வைத்துவிட்டு போவதும் நடக்கிறது.தெரியாத  உணவு வகைகளை ஆர்டர் பண்ணிட்டு சுவை பிடிக்காம சாப்பிட முடியாமலும்,சில சமயம் ஆர்டர் செய்த உணவு அளவு அதிகமா இருப்பதும் வீணாவதற்கு காரணமாகுது.  


தீர்வு தான் என்ன? புதுடெல்லியில் இது போன்ற விழாக்களில் வீணாகும் உணவுப்பொருட்களை சேகரித்து உணவில்லாதவர்களுக்கு வழங்கும் வங்கி ஒன்றை துவக்குவதற்கான ஏற்பாடுகள் கடந்த செப்டம்பரில் துவக்கப்பட்டுள்ளது.இது எந்த அளவுக்கு வெற்றி பெரும் என்று தெரியவில்லை. நாம் அரசை எதிர்பாராமல் அந்தந்த ஊர்களில் இருக்கும் ஏதாவது சேவை நிறுவனங்களை அணுகி பரிமாறப்படாமல் மீதியான உணவுகளை அந்தந்த பகுதிகளில் இயங்கும் ஏதாவது இல்லங்களுக்கு வழங்குமாறு ஏற்பாடு செய்யலாமே!ஹோட்டல்களிலும் தெரியாத உணவுகளை ஆர்டர் செய்யும் போது அதைப்பற்றி தெரிந்துகொண்டு ஆர்டர் செய்தால் நலம்,அது மட்டுமல்லாமல் சும்மா பேருக்கு சாப்பிட உக்காந்து  ஸ்டைலுக்கு கொஞ்சமா கொறிச்சுட்டு போகும் பழக்கம் யாருக்காவது இருந்தால் தயவு செய்து அதை மறந்துட சொல்லி சொல்லுங்கள்.




பின்குறிப்பு – மீதமான உணவுகளை உரியவர்களுக்கு சேர்க்கும் உங்களுக்கு தெரிந்த வழிகளையும் ,கருத்துக்களையும் தெரிவிக்க வேண்டுகிறேன்.



மேலும் வாசிக்க "உப்புள்ள பண்டமும் குப்பையிலே! இது நியாயமா?"

Monday, December 19, 2011

அவார்டு வாங்கலியோ அவார்டு...?



எதெதுக்கோ என்னென்னவோ அவார்டு கொடுக்கறாங்க ,நாமளும் சில 

அவார்டு கொடுக்கலாம்னு.............


விடா முயற்சி விஸ்வரூப வெற்றி  விருது – ஜாமீன் கணை தொடுத்து 

வெளிவந்த தமிழகத்தின் தாரகைக்கு.


மூட்ரா  கேட்ட ,போட்றா தாப்பாள விருது – தமிழகத்தை சுத்தி 

காம்பௌண்ட் கட்ட சொன்ன கேப்டனுக்கு.


 நான் சரியா பேசுறனா விருது – இணையதளங்களுக்கு தணிக்கை இருக்கு 

ஆனா இல்லைன்னு மாத்தி மாத்தி பேசும் கபில் சிபிலுக்கு.


தீயா வேலை செய்யணும் நல்லத்தம்பி விருது -

ஸ்பெக்ட்ரம் வழக்கு: சாட்சிகளிடம் குறுக்கு விசாரணை நடத்த 

முடிவெடுத்திருக்கும் 2-ஜி நாயகனுக்கு.



சோறுன்னா சட்டி திம்போம் சொன்ன பேச்சை கேக்க மாட்டோம் விருது-

முல்லைப் பெரியாறு அணையை ராணுவப் பொறியாளர்களை வைத்து 

ஆராய வேண்டு்ம். எனக்கூறும் சேட்டன்மார்களுக்கு





போன் ஒயறு பிஞ்சு ஒரு வாரம் ஆகுது விருது- கேரளாவில் தொடர்ந்து 

தமிழர்கள் தாக்கப்பட்டால் திமுக முக்கிய முடிவை எடுக்கும் என 

சொல்லியிருக்கும் தமிழினத்தின் தலைவருக்கு.





இதுக்குத்தான் ஊருக்குள்ள ஒருஆல்இன் ஆல்அழகு ராஜா 

வேணும்ங்கறது விருது- வரலாற்று குறிப்புகள்தொழில்நுட்ப தகவல்கள் 

மூலம் கேரளத்தின் பொய்யை தூள்தூளாக்கிய அம்மாவுக்கு.  



என்ன சைதை தமிழரசி தக்கப்பட்டாரா?விருது- முல்லைப் பெரியாறு 
அணைக்காகப் போராடும் தமிழர்கள் மீது வழக்குப் போடுவதா?- என்று இவ்வளவு நாள் கழித்து பொங்கியிருக்கும் தள்ளு தள்ளு தலைவருக்கு.


இன்னைக்கு மட்டும் வீடு போய் சேந்துட்டேன் ஜெய்ச்சுட்டேன் விருது- தொடர்ந்து பல சிக்கலில் மாட்டித் தவிக்கும் ப.சியாருக்கு.


  

என்னா முக்குனாலும் நடக்காது விருது  - என்ன நடந்தாலும் அசைந்து கொடுக்காத நமது மாண்புமிகு மௌனகுருவுக்கு.
  




ஆடறா ராமா,தாண்டுறா ராமா விருது - ஆடத்தெரியாதவர்களை 

ஆட்டுவிக்கும் தேசத்தின் அன்னை(?)க்கு 




டிஸ்கி-


இவருக்கு பொருத்தமான விருதை வழங்கி சிறப்பிக்குமாறு 

கேட்டுக்கொள்கிறேன்.நன்றி!




மேலும் வாசிக்க "அவார்டு வாங்கலியோ அவார்டு...?"

Wednesday, December 14, 2011

வலைப்பூவின் ( blog ) வரலாறு , இது நூறு

  


நான் தாங்க வலைப்பூ பேசுறேன்.இஸ்கூல்ல  படிக்கும் போது ஆறு தன் 

வரலாறு கூறுதல்,தென்னைமரம் தன் வரலாறு கூறுதல் போன்ற 

வரலாறுகளையும்,கதைகளையும் படிச்சிருப்பீங்க படிக்கலேன்னா 

பாத்தாவது இருப்பீங்க.இன்னைக்கு இணையத்தின் வளர்ச்சியால் சமூக 

வலைத்தளங்களின் பங்கு மிகவும் இன்றியமையாததா 

ஆகிடுச்சு.ஊடகங்கள் மறுக்கும் ,மறைக்கும் விசயங்களை உலகுக்கு 

தெரியப்படுத்துவதில் இது போன்ற சமூக வலைத்தளங்களின் பங்கு 

முக்கியமானதாகும்.



நான் எப்படி உருவானேன்?


 Jorn Barger ன்னு ஒருத்தரு 1997- ல weblog அப்படிங்கற பேர்ல முதல் 

முதலாக என்னை துவக்கி வைச்சாரு. அதுக்கப்பறமா 1999 வாக்கில Peter 

Merholz  அப்படிங்கறவர் பேர கொஞ்சம் மாத்தி we blog அப்படின்னு சொல்ல 

ஆரமிச்சு அப்படியே என் பேர் blog அப்படின்னு ஆகிடுச்சு.ஆரம்பத்தில் xanga 

என்ற வலைத்தளம் வலைப்பதிவுகளுக்கு சேவையை வழங்கியது.இப்போ 

பரவலா  உபயோகிக்கப்படும் blogger.com இதே கால கட்டத்தில் சேவை 

வழங்கி வந்தாலும் 2003-ல் google-ல் இந்த தளம் இணைந்த பிறகே அபார 

வளர்ச்சி கண்டது.



தமிழில்


          Google-ன் ஓர் அங்கமாக blogger.com மாறிய பின் தமிழிலும் 

வலைப்பூக்கள் மலர ஆரம்பித்தன.தமிழில் வாசிப்புப்பழக்கம் நாளுக்கு நாள் 

அறுகி வருகிறது என தமிழ் ஆர்வலர்கள் கவலைப்பட்டுக்கொண்டிருந்த 

காலகட்டத்தில் தமிழில் நாளுக்கு நாள் இணையத்தில் எழுதுபவர்களின் 

எண்ணிக்கை அதிகரித்தது ,அதை விட வாசிப்பவர்கள் எண்ணிக்கை 

அதிகமானதும் ,ஆரோக்கியமான நிகழ்வாக கருதப்பட்டது.தமிழின் முதல் 

வலைப்பதிவாளராக கார்த்திகேயன் ராமசாமி என்பவர் 

கருத்தப்படுகிறார்.இவரது முதல் பதிவு ஜனவரி முதல் தேதி 2003-ல் 



என்ன செய்கிறேன்?


                      நான் என்ன செய்கிறேன்.என்னால் என்ன பயன்? 

எந்தவொரு விசயமும் பயன்படுத்தும் விதத்தைப்பொறுத்து அதன் 

விளைவுகள் அமையும்.செல்போன் கண்டுபிடிக்கப்பட்ட புதிதில் வெறும் 

தொலைதொடர்பு சாதனமாக மட்டும் பயன்படுத்தப்பட்டதால் வரவேற்பு 

இருந்தது.அஆனால் இன்று அது மனிதனின் ஆறாம் விரலாக 

மாறிப்போனதிலிருந்து எதிர்ப்புக்குரலும் சேர்ந்தே வருகிறது.அது 

போலத்தான் நானும் ஒருவருக்குத்தெரிந்த விசயங்களை 

தெரியாதவர்களுக்கோ அல்லது அந்த விசயத்தின் உண்மை நிலையை 

அறியாதவர்களுக்கோ எடுத்துசெல்கிறேன்.இன்ன துறை என்றில்லை 

எல்லா துறைகளிலும் இன்று எனது பயன்படுத்துபவர்கள் 

இருக்கிறார்கள்.பொழுதுபோக்குக்காக பயன்படுத்துபவர்கள்,என்னை ஒரு 

நண்பனாக,வடிகாலாக,நண்பர்களை அவர்களின் கருத்துக்களை  

இணைக்கும் பாலமாக பயன்படுத்துபவர்கள் பலர். உலகின் பல பகுதிகளில் 

இருப்போரை நண்பர்களாக இணைத்திருப்பதில் பெருமையும் கொள்கிறேன்.





நிறைவாக
         

   என் கதையை,வரலாற்றை நீங்கள் வாசித்துக்கொண்டிருக்கும்  கோகுல் 

மனதில் வலைப்பூவின் நூறாவது பதிவு இது. கடந்த ஜூன் மாதம் 

ஆரம்பித்து கோகுலின் மனதில் தோன்றும் விசயங்களை பகிரத் தொடங்கி 

அப்படி இப்படியென்று நூறு பதிவை எட்டி விட்டது.இந்த வேளையில்  

இந்த வலைப்பூவிற்கு ஆதரவளிக்கும்,பின் தொடரும்,பின்னூட்டமிடும், 

தொடர்ந்து பார்வையிடும் எல்லா நண்பர்களுக்கும்,பதிவுகளை பலருக்கு 

கொண்டு சேர உதவிய திரட்டிகளுக்கும் twitter,facebook இல் இணைந்திருக்கும் 

இதயங்களுக்கும், கோகுலின் சார்பாக,இந்த வலைப்பூவின் சார்பாக 

மனமார்ந்த நன்றியை தெரிவித்துக்கொள்கிறேன். 


இனி நான் (கோகுல்)

தொடர்ந்து ஆதரவளித்து வரும் நண்பர்கள் அனைவருக்கும் மனமார்ந்த 

நன்றிகளை தெரிவித்துக்கொள்கிறேன்.முக்கியமாக என்னை எழுத 

தூண்டிய எனது நண்பன் ரமேஷ் க்கு(பதிவரல்ல).



மேலும் வாசிக்க "வலைப்பூவின் ( blog ) வரலாறு , இது நூறு"